Шаншар-жарғаққанаттылар өкілі

Жарғаққанаттылардың арасында дернәсілдері басқа жәндіктердің денесінде паразиттік тіршілік ететін көптеген түрлері бар. Солардың ішіндегі өте әйгілісі- шаншарлар.

Шаншардың аналығы капуста, ақкөбелегінің жұлдызқұртын іздеп тауып, оған атша мініп алады. Бұдан соң шаншар құрсағының ұшындағы жіңішке ұзын өскінін-жұмыртқа салғышын жұлдызқұрттың терісіне шаншып алады, оның денесіне жұмыртқа салады.

Жұмыртқадан шыққан дернәсілдер жұлдызқұрттың ұлпасымен қоректенеді. Шаншардың дернәсілі белгілі дәрежеге дейін өскен соң жұлдызқұрттың терісін тесіп, сыртқа шығады. Бұл кезде жұлдызқұрт өліп қалады.