Шахматты бокс – екі спорт түрінің басын қосқан ерекше спорттық ойындардың бірі. Бокс 11 раундтан тұрады. Қатысушылар раундтың тақ сандарында шахмат (жылдам шахмат) ойнаса, жұп сандарында боксқа көшеді. Әр раундтың арасы 1 минут үзілістен тұрады. Шахмат ойынының әр кезеңі 4 минутқа созылады. Бокстың әр кезеңі алғашқы кездерде 2 минут болған еді. 2007 жылғы Әлем чемпионатынан кейін бокстағы 2 минуттық кезең 3 минутқа ұзартылды. «Нокаудқа» жіберіп, «мат» қойған спортшыны жеңімпаз деп табады. Егер спортшылар шахматта тең түсіп, бокста нокаут орын алмаса, онда бокстағы жинаған ұпайларына байланысты жеңімпаз анықталады. Шахматты бокста қарапайым шахмат ойынын екі мықты адам ойнайды. Бір қызығы ойын шахмат үстелі орналастырылған рингтің ішінде өтеді. Екі шахматшы да боксшылар секілді киініп, сайысқа шығады. Ойын барысында сөйлеуге, қарсыласын ұруға тыйым салынған. Шахбокстың түрлі бәсекелері 2003 жылдан бері ресми түрде өтіп келеді. Шахбокстың негізі идеясы Энки Билалдың «Froid-Еquateur» атты комикс-романында алғаш пайда болған. Бұны нидерландтық перформансист Ипе Рубинг нақтылы өмірде орындау үшін барын салады.
