Шахтер даңқы монументі
Шахтер Даңқы монументі – Қарағанды облысының жергілікті маңызы бар тарих және мәдениет ескерткіштері тізіміне енген монументтік өнер ескерткіші.
 | |
| Орналасуы |
Қарағанды қаласы |
|---|---|
| Жоба авторы |
мүсінші – А. Билык, сәулетші – А. Малков |
| Түрі |
монументтік өнер құрылысы |
| Құрылыс материалы |
гранит, бетон, қола |
| Биіктігі |
11 м. |
| Салмағы |
20 т. |
Орналасқан жері
өңдеуҚарағанды қаласы, Бұқар жырау даңғылы, Орталық мәдениет және демалыс саябағынын кіре берісіңде орнатылған.
Кезеңі, авторы
өңдеу1974 жыл, мүсінші – А. Билык, сәулетші – А. Малков.
Деректер, сипаты
өңдеу«Шахтер даңқы» мүсіндік мемориалы Қарағандының құрылысшылары, металлургтері, кеншілерінің еңбек даңқына арналған өзіндік әнұран болып табылады. Композицияның жалпы салмағы – 20 тонна, биіктігі – 11 м.
Тұғыр бетоннан жасалған және жер асты гранит блоктарымен қапталған. Ескерткіш басынан жоғары мақтанышпен тас көмірді асырып ұстап тұрған орыс және қазақ шахтерлерін бейнелейді. Екі шахтердің бейнелері жинақтама. Ескерткіштің құрамы А. Билыктың барлық туындылары сияқты серпінді болып келеді. Оның идеясы суретшінің тау-кен жұмыстарының әсерінен туылды. Шахтерлердің мүсіндері қоладан құйылған.
Мүсінші Анатолий Билыктың есімі Қарағанды қаласының қалыптасу тарихымен тығыз байланысты. Ол Қазақстан Республикасының Суретшілер одағының мүшесі, Қазақ КСР-нің еңбек сіңірген өнер қайраткері, Қазақстан Республикасы өнер академиясының академигі.
1999 жылы А. Билыкке Қарағанды қаласының құрметті азаматы атағы берілді. Мүсіншіге II дәрежелі «Достық» ордені табыс етілді.[1]
Дереккөздер
өңдеу- ↑ Қазақстанның тарихи-мәдени нысандарының және жаппай зиярат ету орындарының альбомы/ ; ҚР Мәдениет және спорт министрлігі, Қазақ ғылыми-зерттеу мәдениет институты ; [жоба авторы Т. Бекбергенов ; бас ред. А. Р. Хазбулатов]... – Астана : [б. ж.], 2018. - 495 б., суретті; . – Библиогр.: 490 б. . – 100 дана – ISBN 978-9961-23-485-9