Шақпақты (жол)

Шақпақты(жол) – Шопан ата мешітінің шығысындағы жол. Ол тауды бойлай қуалап, бір жерінде ойға түсіп, қайта қырқаға шығып, Үстіртке көтеріледі. Жол бойында шақпақтас (кремний) көптігіне байланысты, солай аталған. Үстіртке жақындаған жерде жол апатынан қайтыс болған жүргізушілерге қойылған белгі, қырқаға көтерілген жерде беткейге тақау ежелгі аң аулайтын аран орны бар. Жол Үстіртке көтеріле бере, шығыс тұстан Жосалының жолына қосылады. Шақпақты қазір Шопан ата үстімен Бекет ата басына баратындарға белгі бағыты саналады.