Швейцариялықтар

ШвейцариялықтарШвейцарияда тұратын негізгі этникалық топтардың жалпы атауы. Жалпы саны 6 миллион шамасында (2006). Оған жататындар: герман текті Швейцариялықтар, француз текті швейцариялықтар, итальян текті швейцариялықтар мен реторомандықтар.

Ұлттық киімдегі және халық аспабын ұстаған швейцарлықтар

Антропология жағынан орта еуропа нәсілдің альпілік нұсқасына жатады. Шығыс өңірлерде динар антропология типі байқалады. Көпшілік бөлігі неміс тілінің швейцариялық нұсқасында, қалғандары француз, итальян тілдерінде сөйлейді. Халқының жартысынан астамы христиан дінінің протестант кальвинизмін, қалғандары католик бағытын ұстанады. Швейцариялықтардың қазіргі этнос құрамы орта ғасырларда қалыптасқан. Салт-дәстүрі, жосын-жоралғылары мен мәдениеті көршілес халықтарға ұқсас болғанымен, жергілікті өзгешеліктері бар. Баспананың бірнеше түрлері (сенготард, т.б.) кездеседі. Дәстүрлі шаруашылықтары — мал өсіру. Ірімшік, шоколад өнімдерін ертеден-ақ көптеп шығарады.[1]

Дереккөздер өңдеу