Швиц сиыры

Швиц сиыры - сүт, ет өндіру бағытында өсірілетін ірі қара тұқымы. Жергілікті малды аса қолайды тау жағдайында ұзақ уақыт өсіріп, сұрыптау арқылы Швейцарияда шығарылған. Қазақстан жағдайына бейім, мығым денелі, сүйегі мен еті өзара жарасым тапқан көрікті малдың түрі. Сүттілігі де, еттілігі де қатара дамыған. Қазақстан республикасында осы тұқымға жататын асыл тұқымды бұқалардың ұрыған пайдалану арқылы алынған 80 мыңдай будан бар. Алғаш рет, яғни 30 жылдары Қазақстанға әлемнің еуропалық бөлігінен 3,5 мың швиц бұқашығы мен ұрғашы танасы әкелінген.Кезінде олар жаңа тұқым - алатау сиырын шығару үшін пайдаланғанды. Сиыры 520-580 кг тартады, одан жылына 3,5-3,7 мың кг сүт алынады. Сүтінің майлылығы 3,7-3,9%. Ет түсімі 50-60%.