Шевченко көшесі (Алматы)

Көшеге әйгілі украин ақыны, суретшісі Тарас Григорьевич Шевченконың есімі (1957 жылы) берілген. Шевченко Тарас Григорьевич (1814-1861) Киев губерниясы Звенигород уезі Соринцы селосында дүниеге келген. Ол - «Кобзарь» (1840), «Гайдамактар» (1842) туындысының авторы.

Тарас Григорьевич Шевченко

Көше Медеу, Алмалы аудандарында орналасқан. Көше Кіші Алматы өзенінен басталып, Розыбакиев көшесіне дейінгі аралықта созылып жатыр. Айманов, Жароков, Әуезов, Манас, Д.Қонаев көшесінен С. Мұқанов көшесіне дейінгі аралықта трамвай жолы салынған. Бұрынғы атауы - Лагерь көшесі. Көшенің ұзындығы - 5850 метр.

Шығыс календарі фонтан

Көше қаланың орталық көшелерінің бірі болғандықтан, оның бойында ҚР Ұлттық Ғылым Академиясының ғимараты, ҚР Денсаулық сақтау министрлігінің емханасы мен ауруханасы, Қазақ Көлік және Коммуникация академиясы, «Динамо» ерікті спорт кешені, «Динамо» стадионы, «Восход» киім дүкені, т.б. орналасқан. Кешенін Ш.Уәлиханов көшесімен қиылысқан жерінде Ш.Уәлихановтың ескерткіші орнатылған.[1]

ДереккөздерӨңдеу

  1. Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0