Шегендеу тізбегі

Шегендеу тізбегі - бұрғылау ұңғымасын бекітуге және пайдалану кезінде өнімді горизонттарды оқшаулауга арналган. Шегендеу құбырлары бұрандамен жалғастыру арқылы құрастырылады. Мұнай мен газ ұңғымаларын бұрғылағанда қолданылатын Шегендеу тізбегінің екі шеті бүрандалы, бір жағы муфталы болады, сыртқы диаметрі 114-508 мм, ұзындығы 9,5-13 м, қабырғасының қалыңдығы 5-16 мм. Диаметрі 178-503 мм-лік аралық тізбектер ұңгыманың төменгі қабаттарының қабырғаларын бекітуге арналған. Диаметрі 114-168 мм-лік игеру тізбегі өнімді горизонтты жабады. Оның ойықтары арқылы ұңғымаға келген мұнай мен газ сораптық- компрессорлық құбырлар тізбегі арқылы ұңғыма ернеуіне қарай көтеріледі.