Шеген (қора, аула)

Шеген (қора, аула) — қыс айларында мал байланатын жылы қора, аула. Мал тұрағының бұл түрі Қазақстанның жекелеген аймақтарында, әсіресе батыс өңірінде, Жайықтың сол жақ бетін жайлаған қазақтардың шаруашылығында көп ұшырасады. Ұзақ уақыт бойы мал көңін, шөп сабаны мен қоқымын нығыздап үю арқылы салынады. Қабырғасының қалыңдығы - 1,5-2 м. Жылы әрі құрғақ болады, көбінесе мұндай қораларға жас төл қамалады. Арал өңірінің, Атырау облысының кейбір аудандарының тұрғындары дәстүрлі бейіт қоршауларын солай атаған.