Ольга Ивановна Шиленко

Ольга Ивановна Шиленко (11.2.1955 жылы туған, Қырғызстан, Ыстықкөл облысы) - ақын, жазушы. Көркемсурет училищесін бітіргеннен кейін облыстық және республикалық газеттерде суретші, "Білім" қоғамында референт, қазақ КСР Кинематография жөніндегі мемлекеттік комитеті саласында аға әдіскер болып қызмет істеген. 1983 жылдан бері Алматыда тұрады. "Қазақстан" баспасында көркемдеуші редактор, "Ренессанс" шығармашылық бірлестігінде әдеби кеңесші болып жұмыс істеген. "Океан" (1987), "Жесты" (1998) өлеңдер жинақтары, "Оборотень" атты бүркеншік атпен "Андрогины доктора Моора" деген шытырман оқиғалы қиял-ғажайып кітабы жарыққа шықты. "Простор", "Нива", "Мысль", т.б. журналдарында эссе, мақалалары және "На белом свете - август", "Рассказы о прекрасных дамах", "Утро синего снега", "Дом с тенью", "Урок хиромантии", "Рассказы о красоте и коварстве", "Мост монаха" және т.б. повестері мен әңгімелер циклі жарық көрді.