Шилка- Байқал сырты өңіріндегі өзен. РКФСР-дің Чита облысы жерінде. Амур өзенінің негізгі бастауларының бірі. Ұзындығы 555км, алабының аудаеы 201мың км².Ингода және Онон өзендерінің қосылысынан кұралады. Солтүстігінде Шилка және Амазар, оңтүстігінде Борщовочный жоталары аралығындағы терең аңғармен ағады. Аралас қоректенеді, басымы жаңбыр (80 -тей) суы. Қарашаның басында қатып, сәуірдің аяғында мұзы кетеді. Негізгі салалары: Нерча, Куэнга, Черная. Ағаш ағызылады. Сретенск қ-нан төмен кеме жүзеді. Аңғарында Шилка орналасқан. Алабында түсті металл және алтын кен орындары бар.

ДереккөздерӨңдеу

Қазақ Совет Энциклопедиясы