Шолпан Баймолдина

Шолпан Баймолдина (22.5.1944. Алматы) – режиссер, телережиссура саласынан отандық танымал мамандардың бірі. Ленинград (Санкт-Пе-тербор) Мәдениет институтының режиссерлік курсын (1963), Ленинград мемлекеттік театр, музыка, кино және телевидение институтының режиссерлік курсын сырттай бітірген. 1963-65 жылдары Өлкелік телерадио комитеті (Целиноград) режиссер, 1965-68 жылдары Қазақ теледидарының "Құрдастар" редакциясында режиссер, 1968-78 жылдары Жастар хабарлары редакциясында бас режиссер, 1978-81 жылдары Орталық теледидармен жұмыс жөніндегі бөлім режиссері (Мәскеу), 1981-85 жылдарыәдеби-драмалық хабарлар бас редакциясында бас режиссер, 1985-89 жылдары музыкалықбағдарламалар бас редакциясында бас режиссер, 1989-94 жылдары Қазақ теледидарының бас режиссер, 1995-96 жылдары "Таң" телеарнасында директордың орынбасары, 1996-2007 жылдары ҚР Президентінің Телерадио-кешенінде бас маман-режссері, 2007-2009 жылдары республикалық кітапханада (Астана) бас маман. Қазір Л.Гумилев атындағы Еуразия университетінде оқытушы. Телеэкрандағы 40 жылдан астам мерзімде "Пай-пай, жиырма бес", "Мың да бір рахмет", "Айгөлек", "Бәрін білгім келеді (ББК)", "Ерден атаның ертегілері", "Сенің кітап сөреңде", "РОМБ", "Көгілдір от", "Что можем, что умеем", "Агрегат № 13", "Ньютон алмасы", "Алтыбақан", "Молодежная суббота", "Ровно 21.00", "Ғасырлар үні" жәнеәдеби-музыкалық "Сұхбат", "Шұғыла", "Айтыс", "Қымызхана", "Тамаша" т.б. көптеген телехабарларынын режиссері. Ұлы Отан соғысының 40 жылдығына арналған 40 сериялы бейнефильмнің 6 (алты) сериясына режиссер болды. Тәуелсіздік тұсында өмірге келген 15 сериялы "Ғұмыр дария" деректі фильмінің (авторы танымал тележурналист – Назгүл Әбутұрапова) режиссер. Көптеген халықаралық музыкалық фестивальдардың Токио (Жапония), Милан (Италия), Индиа-наполис (АҚШ) жюри мүшесі әрі ұйымдастырушысы.