Шора Қалықұлы Қарабаев

Шора Қалықұлы Қарабаев (1951 жылы ) - социология ғылымдарының кандидаты. 1968 жылы орта мектептен кейін бір жыл теміржолда жұмысшы болды, Алматы теміржол техникумында оқыды. 1972 - 1979 жылдары Қазақ мемлекеттік университетінің тарих факультетінің арнаулы тобында оқып, неміс-орыс тілдерінде қоғамтанушы мамандығын игерді. Жамбыл қаласында орта мектепте тарих пәні, Жамбыл гидромелиорация құрылыс, Қазақ ауыл шаруашылық институттарында ғылыми коммунизм пәні бойынша сабақ берді. Әл-Фараби атындағы Қазақ мемлекеттік университетінде 1984 - 1987 жылдары тәрбие жөнінен проректордың көмекшісі қызметін атқару кезінде Желтоқсан көтерілісімен байланысты ұлттық мәселені бұрмалаған деген айып тағылып, антисоветтік насихат үшін бас бостандығынан айырылған. 1990 - 1995 жылдары бері Ұлттық академияның әлеуметтану орталығында зерттеулер жүргізген кезде "Қазақстанның өтпелі кезеңінде қоғамдық қозғалыстар мен партиялардың этноәлеуметтік құрылымы" тақырыбында кандидаттық дассертацияны қорғап шықты. Бұл диссертацияда өтпелі кезеңде этникалық негізде құрылатын партиялар мен қоғамдық козғалыстардың күшеюі дағдарысты жағдайдың, Кеңестік дәуірде ұттық ерекшеліктердің жойылуына байланысты өрбіген үдеріс ретінде бейнеленді. Кейін Қазақстанда жүргізілген саясат, ұлтаралық қатынастар мен қоғамдық қозғалыстар және партиялардың дамуы диссертацияда жасалған болжауларды толық дәлелдеді. Қарабаев Қазақстандағы нарық қатынастарын дамытудың бағыты ізгілендіру мән-мағынасына толтыруды басты мұрат ретінде түгу керектігіне баса көңіл бөлді. Мысалы, білім жүйесінің келеңсіздіктері ұлттың бәсекелестік қабілетін дамытуға кедергі жасайтынына бірнеше мақала арнады. Басқа зерттелетін мәселелердің ішінде ғалым азаматтық қоғамның әлеуметтік-мәдени, әлеуметтік-экономикалық, әлеуметтік-күқықгық негіздеріне көңіл бөлді. Өтпелі кезенде азаматтық қоғамның іргетасы қаланып, 2003 жылдан кейінгі қалыптаскан жағдайға талдау жасады. Әсіресе кәсіпкерлікгің, заң шығару үрдісінің нәтижелеріне мән берілді.