Шора (кеңес иелері)

Шора (кеңес иелері). Бұл көне сөзді түсіндірме сөздікте — феодалдық қоғамдағы үстем тап өкілі, ел билеген әкім, бек, мырза, шонжар деген ұғымда түсіндіреді.

«Күні кеше аға боп қосылған Жеті рудың өзінде қанша шора, қанша жақсы бар» (Ә. Кекілбаев, Үркер.). Жүйесі басқа тілден ауысып келгендіктен мағынасында ауытқушылық көп болады. Сондай сөздің бірі — «шора» қазақ тіліне парсы тілінен келіп, ертедегі ел билеушілерінің дәрежелеріне атау болуы да заңды құбылыс. Бұл сөздің парсы тіліндегі тұлғасы «шоура», «шура» қалпында көрініп, берер мағынасы — 1. кеңес; 2. мәслиқат, мәжіліс. Сонда, «шора» дегеніміз ерте замандағы кеңес, мәжіліс иелері.