Шорбану Қонақбайқызы Бейсенова

Шорбану Қонақбайқызы Бейсенова - (14.10.1947 жылы туған, Шығыс Қазақстан облысы Ұлан ауданы) - жазушы. ҚазҰУ-ды бітірген (1969). 1968- 80 жылдары "Парасат" (бұрынғы "Мәдениет және тұрмыс") журналында әдеби қызметкер, бөлім меңгерушісі, 1980 - 97 жылдары "Қазақстан әйелдері" журналында бөлім меңгерушісі болып қызмет істеген. Қазір ҚР Мәдениет, ақпарат және спорт министрлігі Ақпарат және мұрағат кабинетінің бас маманы, "Қазақ әдебиеті" газетінің "Кітап әлемі" қосымшасының редакторы. Алғашқы әңгімелері "Дидар" (бұрынғы "Коммунизм туы") газетінде, "Қазақстан әйелдері" журналында жарияланған. "Тойға келген келіншек" (1980), "Топжарған қыздар" (1985), "Сезімтал жүрек" (1988), "Тағылымды тағдырлар" (2002), т.б. кітаптары жарық көрген.
Украин жазушысы Дроздың "Ең ұзақ күн" (1978) әңгімесін, Е.Ермаковтың "Мен он алтыдамын" повесін (1980), Х.К. Андерсеннің ертегілерін (1984) қазақ тіліне аударған. Қазақстан Республикасы Жоғарғы Кеңесінің Құрмет грамотасымен марапатталған (1985). Халықаралық "Алаш" әдеби сыйлық берілді (2000).

Шығармалары:

• Тойға келген келіншек. Әнгімелер жинағы. Алматы, 1980;
• Қызғалдақтар. Ұжымдық жинақ - "Зағипа" повесі. Алматы, 1985;
• Қазақ ауылы. Ұжымдық жинақ - "Темірқазық" әңгімесі. Алматы, 1985;
• Сезімтал жүрек. Повесть және әңгімелер. Алматы, 1988;
• Тағылымды тағдырлар. Астана.