Штамп

Штамп (немісше stampe, итал. stampa – мөр) – материалды қысыммен пластикалық деформациялау (штампылау) арқылы өңдеуге арналған аспап. Оның табақтық (кесетін Штамп, тесетін Штамп, т.б.) және көлемдік (қалыптайтын Штамп, шөктіретін Штамп, т.б.) штампылайтын, ал дайындаманың темп-расына сәйкес салқындай және ыстықтай штампылайтын түрлері бар. Ш-ының негізгі бөлшектері – пуансон мен матрица. Штампты дайындау үшін 9ХС, Х12М, ХВ2, 4ХВС, 5ХНМ, 5ХГМ, Х12Ф, ХГ3СВ маркалы хромды және күрделі легирленген болаттар қолданылады. Мұндай болаттар тозу, қысым және жоғары температура жағдайына шыдамдылық көрсетеді.

Дереккөздер

• «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том