Шырақ (мультфильм)
Шырақ — 2023 жылы түсірілген қазақстандық 3D форматында шығарылған санаулы мультфильмнің бірі. Мультфильмді ARA studios анимациялық студиясы жасаған. Мультфильмнің негізгі жеткізер ойы — отбасылық құндылықтар, мейірімділік, сүйіспеншілік және өзара көмек.
| «Шырақ» | |
 | |
| Режиссёрі |
Мейіржан Сандыбай |
|---|---|
| Продюсері |
Бақытжан Шабдукәрім |
| Сценарийдің авторы |
Мейіржан Сандыбай |
| Қоюшы суретшілер |
Құдайберген Ахат |
| Композиторы |
Дастан Қалмағанбетов |
| Аниматорлары |
Нұрбек Нұрланбекұлы (Бас аниматор) |
| Студия | |
| Мемлекет | |
| Ұзақтығы |
24 минут |
Сюжет
өңдеуМультфильм шырақтың бастан кешкен оқиғасын баяндайды. Фильмде Шырақ бір үйдің зат қоятын бөлмесінде тұрып жатады. Сол үйде отбасы — әкесі, анасы, ұлы мен қызы өмір сүреді. Бірақ әкесі жұмыс істеп, анасы үй шаруасымен айналысқандықтан, ата-анасы балаларына көп көңіл бөлмейді. Шырақ адамдардан қорқады, сондықтан бөлмеде тығылып алып, сыртқа шықпайтын. Оның достары сол бөлмедегі жансыз ойыншықтар еді. Шырақ оларды өз отбасым деп білетін. Дегенмен достары жансыз заттар болғандықтан, Шырақ олармен сөйлесе алмайтын. Бір күні бөлмеге мысық кіріп, шырақтың сүйікті досы — қуыршақты алып кетеді. Шырақ досын құтқару үшін бөлмеден шығып, адамдар жүрген бөлмеге баруға мәжбүр болады. Қорқынышын жеңіп, соның арқасында мүлдем басқа әлемге — адамдар әлеміне тап болады. Неше түрлі оқиғаны бастан өткеріп, отбасындағы қарым-қатынасқа әсер етеді.[1]
Марапаттары
өңдеу2023 жылы бұл фильм бүкіл әлем бойынша 80-нен астам кинофестивальде ұсынылды. Ол Cleveland International Film Festival (CIFF) және Kids First сияқты ірі іс-шаралардың тізіміне енді. АҚШ-тағы Film Festival, Қытайдағы Shanghai International Film Festival, Кореядағы Seoul International Children's Film Festival (SICFF) және Cartoon Club — Animation Cinema International Festival, Италиядағы Comics and Games.
Қызықты деректер
өңдеуМультфильм түсіруге 20-ға жуық маман қатысқан. Олардың ішінде концепт суретшісі, жарық қоюшы, қоршаған орта 3D суретшісі, 3D-кейіпкерлер суретшісі, sound designer, режиссер, продюсер және тағы басқа мамандар бар.
Жоба авторлары бұл мамандарды әлеуметтік желі, таныс арқылы тапқан. Оның ішінде бірнеше ай жұмыс істеп кеткендер де бар. Жобаны тұрақты түрде жеті-сегіз адам жасаған. Адам аз болғандықтан, бір қызметкер бірнеше маманның жұмысын істеуіне тура келген.[1]