Шығым (дебит)

Шығым (дебит) - табиғи немесе жасанды бастаудан белгілі уақыт бірлігінің ішінде келіп құйылатын мұнайдың немесе газдың көлемі. Секундына, сағатына, тәулігіне л, м3, т бірліктерімен өлшенеді. Таужыныстың мұнай, газ қатйарымына, қорының шамасына, ұңғыма диаметріне байланысты. Мұнайды тартқандағы Шығым 1-2 т/тәу-тен 1500-3000 т/ тәу-ке, бұрқақты ұңғымадан 4000-5000 т/ тәу-ке, газдыкі жүздеген мың м³/тәу-ке жетеді. Шығым қойнауқат депрессиясына, оның қалыңдығына, өтімділігіне тура, ал мунайдың тұтқырлыгына кері пропорциялы болады. Шығымды жоғарылату үшін қойнауқаттық қысымды жоғарылату немесе тұрақты ұстап туру қажет, ол үшін жатынға қысыммен әр түрлі агенттер айдалады.