Шығыс Иран таулары

Шығыс Иран тауларыИран таулы қыратының орталық бөлігіндегі тау жүйесі. Солтүстіктен оңтүстікке қарай шамамен 1000 км-ге созылған. Шығыс Иран тауларына биіктігі орташа Келат, Багеран, Баран, Пеленган тау жоталары, Серхед таулы үстірті (ең биік жері Тефтан тауы, 4042 м) кіреді. Негізінен шөгінді тау жыныстарынан, гранитоид, мезозой жасындағы лавалардан түзілген. Жоталардың тау бастары жұмырланған, тегістелген. Құрғақ субтропиктік климат аймағына жатады. Ксерофиттік сирек орманмен кезектесіп отыратын дала және бұталы шөлейттік өсімдіктер жамылғысы қалыптасқан.

Сілтемелер өңдеу

"Қазақ Энциклопедиясы", 9 том