Шыңжаңдағы бейбітшілік пен демократияны қорғау одағы

Шыңжаңдағы бейбітшілік пен демократияны қорғау одағы – 1948 ж. 1 тамызда Құлжа қаласында құрылған саяси ұйым.

Негізгі мақсаты – Шыңжаң өлкесін гоминьдан үстемдігінен толық азат ету, демокр. бағытта жаңа үкімет құру болды. Ол үшін жергілікті жерлерде астыртын ұйымдасқан партия, қоғамдық ұйымдардың басын біріктірді. Одақтың тұңғыш төрағасы болып Ахметжан Қасыми, төралқа мүшелері болып Ысқақбек Мононұлы, Дәлелхан Сүгірбайұлы, Әбдікәрім Аббасов, тағы басқа барлығы 29 адам сайланды. Орта Құлжа қаласында орналасты. Оған 3 аймақтық (Алтай, Іле, Тарбағатай), 29 аудан к-т, 755 бастауыш ұйым бағынды. “Алға” газеті мен “Одақ” журналын шығарып тұрды. Одақ 1953 ж. қазанда өз жұмысын тоқтатты.