Шыңғыс Әбдібек
Шыңғыс Талғатұлы Әбдібек – қазақстандық кинорежиссер, кинематограф және актер.
Балалық шағы және білімі өңдеу
1990 жылы 12 маусымда Жамбыл облысында туған. 2006 жылы Алматы қаласындағы Ж.Елебеков атындағы республикалық эстрада және цирк колледжіне «Кино және драма актері» бөліміне оқуға түсті. Оқу ордасының қабырғасында актерлік шеберлікпен қатар, сахна тілі, хореография, тележүргізушілік секілді бағыттар бойынша сабақ алды. Кейін, 2009 жылы Т.Жүргенов атындағы өнер академиясына «Кино және телевидение режиссурасы» атты мамандыққа оқуға түсіп, 2014 жылы тәмамдады.
Өнер жолы өңдеу
Жүргізуші өңдеу
Өнер жолын 2008 жылы «Қазақстан» ұлттық арнасындағы «Айгөлек» бағдарламасынан басталды. Тележүргізуші ретінде көпшіліктің көзайымына айналып, балалармен тіл табысу және камера алдында жұмыс істеу машығын меңгерді. 2010 жылы "Балапан" арнасындағы "Шеберхана" деген бағдарламаны жүргізді. Қазіргі таңда YouTube бейнехостингінде «Ғибратнама[1]» атты авторлық арнасын жүргізеді.
Актер өңдеу
Шыңғыс актер ретінде «Тарзаман» тарихи кинокартинасы арқылы көпшілікке танылды. Елімізде кинотеатрларда көрсетілімге шыққан бұл картинада Қазихан рөлін сомдады. Бұл алғаш болып, қызылдар қатарына өтіп кеткен сатқын рөлі көрермендер мен сыншылар арасында жоғары бағаға ие болды. Сондай-ақ, қазақстандық республикалық телеарналарда көрсетілген «Тасөткел», «Қаламгер», «Бекзат», «Сарай сыры» секілді тарихи фильмдерде әр түрлі рөлдерде ойнады.
Режиссер өңдеу
Ал, режиссерлік кәсіби мансабын «Балапан» телеарнасына «Күлегеш», «Еуразия» арнасына «Ұшқалақ[2]» секілді балаларға күлдіргі кинофильмдерді түсіруден бастады. Бұл жұмыстар балалар арасында аса танымал болды. Оған YouTube хостингіндегі милиондаған қаралым дәлел. Сонымен бірге, отандық телеарналарға қоюшы режиссер ретінде «Мектеп», «Алпыстан асып барамын» атты 30 бөлімнен тұратын сериалдар түсірді. Ал, 2022 жылы «Біз» атты драмасымен көрерменді қуантты.
Кино индустриядағы толықметражды режиссерлік тырнақалды туындысы «Бауыр» атты фильмі 2021 жылы түсіріліп, 2022 жылы республика бойынша кинотеатрларда көрсетілді.
Бұл фильмді Шыңғыстың авторлық кинокартинасы деуге болады. Себебі, идеядан бастап, сценарий, түсірілім және кинотеатрға шығаруға дейінгі жұмысты өзі ұйымдастырды. Бұл туынды «бюджетсіз» түсірілген. Адами және отбасы құндылығын насихаттап қана қоймай, жастарға сабақ алуды үйрететін картина ретінде көрерменнің оң бағасын алды. «Бауыр» - криминалды драма жанрындағы толықметражды фильм. Туынды шынайы оқиғаға негізделген. Картинада қиындыққа тап болып, одан шығу жолын іздеген екі жігіттің оқиғасы суреттеледі. Фильмнің желісі бойынша, криминалды әлемге түсіп, маңдай термен емес, оңай жолмен пайда табуды кәсіп еткен жігіт ақыры тұтылып, түрмеге түседі. Алайда, оған кіші бауыры көмектесіп, ағасын көлеңкелі әлемнен алып шығады[3].
Қамшы сайты Бауыр фильмі жайлы “Бюджетсіз фильм”: Алматылық энтузиастер түсірген фильм кинотетрларға шықты деп жазды[4].
Кино индустриядағы толықметражды режиссерлік тырнақалды туындысы «Бауыр» атты фильмі 2021 жылы түсіріліп, 2022 жылы республика бойынша кинотеатрларда көрсетілді. Бүгінде “Карточный долг[5]” деген атаумен бұл фильм Кинопоиск хостингі арқылы Ресей және барша орыстілді әлемге шығарылды.
YouTube-жобалары: өңдеу
2023 жылдан бастап “Білім-Қазына” қорының қолдауымен “Бабалар ізімен[6]” атты көпциклі подкасттар сериясын түсіреді. Түркістан, Шымкент, Өзбекстандағы бабаларымыздан қалған мұраны қайта жаңғыртуға, жаңашыл көзқараспен түсіріп, көрерменге ұсынуда. Өзі автор-жүргізуші ретінде “Ғибратнама[1]” подкастын жүргізеді.
Фильмография өңдеу
| Фильм/сериал/бағдарлама | жылы | шығарылған арна | қызметі |
|---|---|---|---|
| Күлегеш | 2013 | Балапан телеарнасы | қоюшы режиссер |
| Ұшқалақ | 2017 | Евразия телеарнасы | қоюшы режиссер |
| Мектеп | 2019 | Хабар телеарнасы | қоюшы режиссер |
| Алпыстан асып барамын | 2021 | Хабар телеарнасы | қоюшы режиссер |
| Бауыр | 2021 | Қазақстан, Ресей кинотеатрларында | автор, қоюшы режиссер |
| Біз | 2022 | Хабар телеарнасы | қоюшы режиссер |
| Орлик | 2023 | Экранға 2024 жылы шығады | автор, қоюшы режиссер |
Актер ретінде түскен телехикаялар өңдеу
| Телехикая | жылы | ролі | көрсетілген арна |
|---|---|---|---|
| Ән аға | 2018 | Тұманбай Молдағалиев | Хабар телеарнасы |
| Тасөткел | 2018 | Афганец | Хабар телеарнасы |
| Тар Заман | 2018 | Қазихан (большевик) | Қазақстан телеарнасы |
| Қаламгер | 2020 | Тынышбай Рахимов | Хабар телеарнасы |
| Сарай сыры | 2022 | саудагер | Қазақстан телеарнасы |
| Басқа вариянт жоқ | 2023 | Сәкен | Қазақстан кинотеатрлары |
Телеарналарда жүргізген бағдарламалары өңдеу
| Бағдарлама атауы | жылы | телеарна |
|---|---|---|
| Айгөлек | 2008-2009 | Қазақстан |
| Шеберхана | 2010 | Балапан |
| Ұлағатты ұрпақ | 2022 | Ютуб жоба |
БАҚ беттерінде өңдеу
Балаларға арналған фильм түсіріліп жатыр[7].
Youtube-та "КҮЛЕГЕШТІ" екі миллионнан аса адам көрді[8].
Қазіргі қоғамды қаз-қалпында көрсеткім келді[9].
Киноафишалар өңдеу
Фотогалерея өңдеу
Басқа да мәліметтер: өңдеу
Марапаттары өңдеу
2022 жылы Шу ауданына сіңірген еңбегі үшін медалінің иегері.
Отбасылық жағдайы: өңдеу
Үйленген, үш баласы бар.
Сыртқы сілтемелер өңдеу
Алтын тамыр 19.01.2023 Шыңғыс Әбдібек, Жандос Дүйсенбаев[10]
История о двух братьях, пытающихся найти выход в безвыходной ситуации. Криминальная драма, основанная на реальных событиях[11].
«БАУЫР» ФИЛЬМІ КӨРЕРМЕНГЕ ЖОЛ ТАРТТЫ[12]
«Бауыр»: Түрмеде қарызға кірген бауырын құтқара алды ма?[13]
Режиссер Шыңғыс Әбдібек: «Бауыр» атты фильм арқылы өзіміздің менталитетімізді көрсеткім келді[14].
Шыңғыс Әбдібектің «Бауыр» атты фильмінің тұсаукесері өтті[15].
Шыңғыс Әбдібек - актёр режиссёр[16].
Дереккөздер өңдеу
- ↑ a b https://www.youtube.com/@shyngysabdibek3428
- ↑ https://www.zakon.kz/redaktsiia-zakonkz/4893494-pervyy-kanal-evraziya-ispolnil-mechtu.html
- ↑ https://abai.kz/post/150692
- ↑ https://qamshy.kz/article/68970-byuddgetsiz-film-almatylyq-entuziaster-tusirgen-film-kinotetrlargha-shyqty
- ↑ https://www.kinopoisk.ru/film/5247365/video/type/0/
- ↑ https://www.youtube.com/watch?v=CqYhnTm_DcE&list=PLaQFdIiKyvIfIayzksdVeAnDJr2q7y51u
- ↑ "Жайық үні" Батыс Қазақстан облыстық газеті. 23 (1670) 8 маусым 2023 жыл.
- ↑ "Ұлан" балалар мен жасөспірімдер газеті. Номері 1, 17 қаңтар 2017 жыл.
- ↑ "Шу өңірі" Шу аудандық газеті. 4 желтоқсан 2021 жыл.
- ↑ https://qazradio.fm/astanafm/ru/audios/55183
- ↑ https://www.inkaragandy.kz/afisha/735/bauyr
- ↑ https://abai.kz/post/150692
- ↑ https://www.ktk.kz/kz/news/video/2021/11/25/196931/
- ↑ https://www.youtube.com/watch?v=4TKqA4990u8
- ↑ https://www.youtube.com/watch?v=ysSBQpoQMoQ
- ↑ https://www.youtube.com/watch?v=P9BN7z6Ph2I