Шілік (өсімдік)

Шілік (лат. Salix rosmarinifolia) – талдар тұқымдасының тал туысына жататын аласа бұта. Қазақстанда Тобыл – Есіл атырабында, Солтүстік Қазақстанда, Ақтөбе облысында, Сарыарқаның батысында шымтезекті жерлерде, өзен алқабында, ылғалды шабындықтарда өседі. Биіктігі 1 м-ге дейін, шыбық тәрізді жіңішке бұтақты, жас бұтақтары түкті, бірнеше жылғы бұтақтары сарғылт қоңыр, түксіз болады. Жапырақтары қысқа сағақты, ұзындығы 2 – 8 см, ені 0,3 – 1 см, көк жапырақтарының екі беті де түкті болады. Гүлі ұсақ, өте көп, гүл сырғасы жапырағынан бұрын дамиды. Мамыр айында гүлдейді. Жергілікті жерде Шілікті отын ретінде пайдаланады.

Шілік
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар Сабы: Malpighiales Тұқымдасы: Талдар Тегі: Populus Түрі: S. rosmarinifolia
Екі-есімді атауы
Salix rosmarinifolia L.
Синонимдері
Salix sibirica Pall. Salix rosmarinifolia subsp. sibirica (Pall.) I.V.Belyaeva & Sennikov Salix repens var. rosmarinifolia (L.) Wimm. & Grab. Salix repens subsp. rosmarinifolia (L.) Celak. Salix pubescens (E. Wolf) K.S. Hao Salix anomala E. Wolf

 Басқа мағыналар үшін Шілік деген бетті қараңыз.