Шүйілу

Шүйілу (франц. pіguer une tete – баспен жерге құлау) – ұшақтың (планердің, қанатты ракетаның) тұрақты бұрышты траекториямен төмен құлдилауды орындайтын пилотаждық фигурасы. 30 градусқа дейінгі бұрышпен шүйілу – көлбеу, 30 градустан жоғары болса – құламалы, 90 градусқа жақын шамада – тік деп аталады. Шүйілу әуе ұрысында, бомба тастауда, ракета жібергенде, жер үсті (теңіз) нысаналарын атқанда, зениттік зеңбіректерге және ракеталарға қарсы маневрлерде, сонымен қатар тез төмендеу қажет болғанда қолданылады.