Шұбарқұдық мұнай кен орны
Шұбарқұдық мұнай кен орны – Ақтөбе облысы Темір ауданы Ақтөбе қаласынан оңтүстік-батысқа қарай 179 км жерде, Шилі өзенінің жағасында орналасқан. Кен орны 1931 жылы ашылып, барлау-пайдалану жұмыстары 1937-1949 жылдары қатар жүргізілді.
| Шұбарқұдық мұнай кен орны | |
| 49°06′53″ с. е. 56°29′05″ ш. б. / 49.1146695° с. е. 56.4847469° ш. б. (G) (O) (Я)Координаттар: 49°06′53″ с. е. 56°29′05″ ш. б. / 49.1146695° с. е. 56.4847469° ш. б. (G) (O) (Я) | |
| Ел |  Қазақстан |
| Аймақ | Ақтөбе облысы |
| Ашылған уақыты | 1931 жыл |
Геологиялық құрылымы
өңдеуАлғашқы мұнай 1931 жылы ядросы 325 м тереңде жатқан тұз күмбезінің солтүстік және оңтүстік қанаттарындағы пермь-триас шөгінділерінен алынған. Негізгі мұнай иірімдері төмендігі пермьнің кунгур ярусының тұз қат-қабаты бетіндегі жоғары пермь шөгінділерінде орналасқан шоғырда (жалпы қалыңдығы 120 м). Мұндағы шамалы цементтелген сазды-құмды мұнайлы қабаттың жалпы қалыңдығы 50-75 м.
Жатыс сипаты
өңдеуЛинза пішіндес мұнайлы қабаттар солтүстік қанатта 305-425 м, оңтүстік қанатында 350-400 м тереңдікте. Өткізгіштігі баяу, мұнайлы қабаттардың кеуектілігі 0,12- 0,20%. Тұз бетіндегі қалың жоғарғы пермьдік тау жыныстары екі лықсу арқылы батыс, солтүстік, оңтүстік қанаттарға бөлінген.
Тығыздығы, құрамы
өңдеуМұнайы метанды-нафтенді, тығыздығы 8,34-9,25 г/см3, 200°С-та бөлінетін жеңіл фракциялар мөлшері 6,5 – 16%; 64% шайыры, 0,55% күкірт, 1,5% парафин бар. Мұнай шығымы 6,6 m3 тәулік. Шағын кен орнына жатады.[1]
Дереккөздер
өңдеу- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том