Шәріпжан Тоқтархан

Тоқтархан Барқызатұлы Шәріпжан (17.12.1938 жылы туған, Шығыс Қазақстан облысы, Көкпекті aуданы, Кіндіктөбе ауылы) - ақын, жазушы, фельетоншы. ҚазҰУ-ды бітірген (1975). Еңбек жолын ауылда бастап, 1963 - 65 жыдары Самар ауданында "Жаңа өмір" газетінің әдеби қызметкер, жауапты хатшысы, 1965 - 67 жалдары Шығыс Қазақстан облысы "Дидар" газетінің меншікті тілшісі, 1967 - 1978 жылдары осы газеттің өнеркәсіп бөлімінің меңгерушісі, 1978 - 86 жылдары Семей облысында "Семей таңы" газетінің хабар бөлімінің меңгерушісі болып қызмет етті. 1998 жылдан "Қазақтелеком" мемлекеттік кәсіпорнының мемлекеттік тіл және аударма жөніндегі менеджері. Шәріпжанның өткір қаламынан туған фельетондар мен өмірді шынайы бейнелеген көркем әңгімелері көптеген жинақтарға енді. Шырын Мамасеріковамен айтысы жеке кітапша болып жарық көрді. Шәріпжан әуесқой композитор ретінде де белгілі. Шығармалары Қазақстан өңірінде кеңінен тараған. Шығармалар: Соққы. Сықақ әңгімелер.1986; Алтын арқау. Дастандар. 1992.