Шәует шығаратын өзек

Шәует шығарушы өзек — ұзындығы 40-50 см болатын жұп түтік. Ол аталық жыныс безі, қосалқысымен ұмада орналасқан. Пайда болған шәует сұйықтығын сыртқа шығарады. Шәует шығарушы өзек аталық жыныс безі қосалқысының ұшынан басталып, шәует бауының құрамында жоғары кетеріледі. Шәует бауы жоғары кетеріліп, шат езегінен іш қуысына кіреді. Осы жерде өзек тамырлар мен жүйкеден бөлініп, төмен қарай бағытталып, кіші жамбас қуысына өтеді. Жамбас қуысының бүйірдегі қабырғасы арқылы қуық асты безіне, қуыққа бағытталады. Осы жерде шәует көпіршіктерінің өзегімен бірігеді. Шәует шығарушы езек қуыққа жақындағанда кеңейіп, жыныс жасушаларының қоймасы пайда болады. Шәует шығарушы түтіктің қабырғасы үш қабаттан тұрады: ішкі - шырышты, ортадағы - бұлшық ет, сыртқы дәнекер ұлпалы қабат. Шәует шығарушы өзек қуықасты безінің артынан кіріп, зәр шығару түтігінің басталар жеріне ашылады.

Дереккөздер

А 24 Адам анатомиясы. – Алматы: “Aруна” баспасы. – 208 бет. – Сер.: “1100 қызықты деректер”. ISBN 978-9965-26-610-2