Шөл суықторғайы

Шөл суықторғайы - құнақтар тұқымдасының кішілеу құсы. Осы тұқымдастың бір-біріне жақын үш туысының ең кішкентай өкілі, қанаттарында қызыл айнасы болады. Шөл аласа тауларын қоныстайды, Қазақстаннан тыс жерде қыстайды. Бұл сүйір қанатты құнақтың құйрығы тым ойық және қысқа үрленген тұмсығы бар. Қауырсындарының бояуы - сұр түсті, қанат қауырсындары қызғылт түспен көмкерілген. Суықторғайға ұқсамайды. Уақытының көбін жерде жем іздеумен өткізеді. Ұшуы шапшаң, толқын тәрізді. Шақыру дыбысы - баяу "пиу", әні жай, бірақ сазды.Шоғыр құрып тіршілік ететін құстар, жем жейтін жерде топ болып жиналады, бір-біріне жақын жерге ұялайды,4-6 сирек қара теңбілді ақшыл көгілдір жұмыртқаларын аналығы басып шығарады.Ұядағы тіршілігі толық зерттелмеген. Қазақстанда наурыздың басында қазанға дейін кездеседі. Кей жылдары Қазақстанның оңтүстігінде кейбір топтары қыстауға қалады.