Щецин филармониясы
Щецин филармониясы (Мечислав Карлович атындағы филармония пол. Filharmonia im. Mieczysława Karłowicza) — Польшаның Щецин қаласында орналасқан мәдени мекеме.
Тарихы
өңдеу
Щецин филармониясында көптеген музыкалық фестивальдар мен концерттер, соның ішінде Чайковский атындағы халықаралық фестиваль өтеді. Мұнда классикалық музыка, джаз, рок және басқа да көптеген жанрларды тыңдауға болады.
Филармонияның тарихы Щецин симфониялық оркестрі құрылған 1948 жылы басталды. Оркестр Польшада және шетелде өте танымал болды және 2014 жылы оркестр үшін жаңа концерт залын салу туралы шешім қабылданды.
Щециндегі филармония тек музыкалық қойылымдар өтетін орын ғана емес, сонымен қатар қаланың мәдени өмірінің орталығы. Онда көрмелер, лекциялар және басқа да іс-шаралар өткізіледі.[1]
Құрылысы
өңдеуЩецин қаласында филармонияның жаңа ғимараты қаланың заманауи сәулетінің інжу-маржаны деп аталады. Мұндай заманауи және ерекше әдемі филармониямен қазір әлемдегі санаулы қалалар ғана мақтана алады.
Батыс Померан воеводствосының астанасындағы заманауи филармонияның жобасы халықаралық конкурс негізінде таңдалды. Барселонадан келген Эстудио Бароцци Вейга жеңімпаз атанды.
Құрылыс 2011 жылдың сәуір айында басталды. Жобаның жалпы құны 120 миллион поляк злотасын құрады, оның үштен бір бөлігін Еуропалық Одақ, ал қалған бөлігін қалалық бюджеттен бөлді.
Қазіргі заманғы ғимараттың сыртқы көрінісі шатырлармен аяқталатын бірнеше ақ қораптарды еске түсіреді. Осылайша, сәулетшілер жаңа ғимаратты тарихи ортаға енгізуге, оны көршілес сәулет ескерткіштерімен және көп қабатты шатырлы үйлермен біртұтас композицияға біріктіруге ұмтылды. Шатырдың құрылымында көптеген жарық терезелері бар, соның арқасында күн сәулесі ғимараттың ішіне еніп, оны күн сайын сағат сайын керемет түрде өзгертеді. Сонымен қатар, қараңғыда филармонияның жарықтандырылған шыны қасбеті үлкен мұз блоктарына ұқсайды.[2]
Архитектурасы
өңдеуФилармония Одра өзенінің жағасында орналасқан және айсбергке ұқсайтын ерекше дизайнға ие.
Зал ішінде көрермендерге арналған 1000 орындық және 120-ға дейін музыкант сыятын сахна бар. Залдың акустикасы кез келген музыкалық композиция үшін тамаша дыбысты жасауға мүмкіндік беретін ең заманауи технологияларды пайдалана отырып әзірленген.
Филормония құрылымы көшелермен жүзіп келе жатқан айсбергке ұқсайды. Ғимарат тік пропорциялары мен тік қатпарлары бар дәстүрлі жергілікті архитектураға негізделген. Қасбеті мөлдір шыныдан жасалған, ол айналадағы ғимараттармен айқын контраст жасайды. Филармония қаланың жаңа сәулеттік сипаты мен келбетін құрудың бастау нүктесі болды.[3]
Ғимараттың әйнек қасбеті ішінен жарықтандырылады. Интерьер дизайнының қарапайымдылығы негізгі концерт залының алтын әрлеуімен ерекшеленеді.[4]
Орталық зал - бұл соңғы бірнеше жылдағы барлық дерлік интерьер жаңалықтарынан көрінетін дәстүрлі заманауи еуропалық интерьердің көрінісі.[5]
Фойе төбесіндегі жарықтандырғыш арқылы жарықтандырылған. Үлкен зал соңғы акустикалық сәнге сай, көрермендер оркестрдің айналасына отырғызылған.[6]
Галарея
өңдеу| Жоғарыдан көрінісі | Негізгі зал | Интерьер | Филармонияның ескі ғимараты |
|---|---|---|---|
.jpg) |
.jpg) |
.jpg) |
 |
Дереккөздер
өңдеу- ↑ Щецин: филармония https://bukay.ru/object/polsha/szczecin-philharmonic-hall
- ↑ Новое здание Филармонии в Щецине https://plus48.by/novoe-zdanie-filarmonii-v-shhecine Мұрағатталған 16 мамырдың 2023 жылы.
- ↑ ЗАЛ ФИЛАРМОНИИ В ЩЕЦИНЕ https://mcj.press/zal-filarmonii-v-shhetsine/
- ↑ Щецинская филармония победила в престижнейшем архитектурном конкурсе http://archiwum.radiopolsha.pl/6/136/Artykul/206150
- ↑ Архитектура. Новое здание филармонии в Щецине, Польша https://stroystandart.info/index.php?name=news&op=view&id=978
- ↑ Современная архитектура в Польше. Филармония в Щецине. https://skystinger.livejournal.com/69016.html