Ықылас мешіті
«Ықылас» мешіті Түркістан қаласы Әубәкір және Нұрмаханов көшесінің қиылысында орналасқан. Ол Мұқшаев Сұлтанның демеушілігімен 2009 жылы 26 қарашада салынған.
| Ықылас мешіті | |
| Картада орналасуы | |
|---|---|
|
|
Координаттар: 42°18′ с. е. 69°36′ ш. б. / 42.300° с. е. 69.600° ш. б. (G) (O) (Я)
Мешіт үшін бөлінген жер көлемі 60 соттық. Ғибадат үйінің ұзындығы мен ені 16х14 метр, қабырғаларының биіктігі 7 метр. Күйдірілген кірпіштен соғылған, мешіттің сырты иран жылтыр кірпішімен қапталған. 3 күмбезі бар. Үлкен күмбездің биіктігі 6 метр, екі кіші күмбездің биіктігі 4 метрден. Мешітпен қоса салынған мұнарасында төрт тарапқа дауыс тарататын дыбыс күшейткіш құрылғы орнатылған. Мешіт алдында, мешіттің кіреберісінде Құран Кәрім аяттары жазылған. Мешіт 600 адамға арналған. Ішкі биіктігі 6,5 метр. Өрнектермен оюланып жасалынған мінбердің биіктігі 3 метр. Имам бөлмесі заманға сай етіп жабдықталған. Кірер есігі бөлек әйелдер бөлмесі мен үлкен намаз залына біркелкі Түркиядан алдырылған кілемдер төселген. Мешіт электр арқылы батериялармен еден арқылы тарайды. Мешіт ауласы өрнектелген темір қоршаумен қоршалған.
Дереккөздер
өңдеу- http://kattani.kz/?p=358 Мұрағатталған 15 шілденің 2014 жылы.