Эвтифрон (Платон)

Эвтифрон (/ˈjuːθɪfroʊ /; грек. Εὐθύφρων; бдд.399–бдд.395 жж.) — Платон жазған Сократтық диалог болып, онда Сократ сотынан (бдд.399) бірнеше апта бұрын Сократ пен Эвтифрон арасындағы сұқбат суреттеледі. Диалог тақуалық пен әділеттің мәні секілді тақырыптарды қамтиды.

Анри Эстьенннің 1578 жылы басып шығарған Эвтифрон кітабы, латын және грек мәтіндері параллель берілген.

Шығарманың артқы көрінісі

Эвтифрон диалогы Архонт базилевсінің (король магистраты) сотсарайы маңында болады, сонда Сократ пен Евтифрон кездеседі; екеуі де болуы мүмкін сот процестерін алдын-ала тыңдау үшін келген екен.

Евтифрон өз әкесіне адам өлтірді деген айып тағу үшін келіпті. Айтуынша, әкесі Наксос аралындағы отбасылық жұмыс орнынан бір жұмысшыны бір құлды өлтіргені үшін тұтқындап байлап алады да, шұңқырға лақтырып жібереді; сосын әкесі Экзегезалардан (Exegesis, қара: Заңдар 759d) не істеуді сұрап жатқан кезде әлгі шұңқырдағы жұмысшы қараусыз қалып, өліп қалады. Афина заңы бойынша, тек қайтыс болған адамның туыстары ғана кісі өлтіру бойынша іс қозғай алатынына қарамастан, Евтифронның адам өлтірді деген айыппен өз әкесінің үстінен қылмыстық іс қозғауға болатындығына сенімді екеніне Сократ таң қалады. (параграф. 43 §57). Евтифрон Сократтың таңқалуын жоққа шығарады, бұл оның діни және этикалық мәселелерге қатысты өз сыни пікірлеріне деген тым сенімділігін көрсетеді.