Эдуард Олегович Квятковский

Эдуард Олегович Квятковский 1974 жылы 10 қарашада Қарағанды қаласында туған. Орыс. Халықаралық туризм және менеджмент институтын (Австрия, Земмеринг қ., 1995) «Туризм және қонақұй шаруашылығы» мамандығы бойынша; Абай атындағы Алматы мемлекеттік университетін (1997) халықаралық қатынастар маманы мамандығы бойынша бітірген. Оңтүстік Кореяда (1997), Жапонияда (1998), РФ, Израилде (2001) тағылымдамадан өткен. 1997 жылдың қаңтарынан - ҚР Президенті жанындағы Жоғары экономикалық кеңес хатшылығының аға сарапшысы. 1997 жылдың сәуірінен - ҚР Стратегиялық жоспарлау агенттігі Стратегиялық жоспарлау департаментінің бас маманы. 1997 жылдың желтоқсанынан - ҚР Стратегиялық жоспарлау және реформалар агенттігі Әлеуметтік-экономикалық саладағы реформалар департаментінің кәсіпкерлікті қолдау басқармасы бастығының орынбасары; 1998 жылдан - Стратегиялық жоспарлау және бақылау департаментінің салалық дамуды үйлестіру басқармасы бастығының орынбасары; 1999 жылдың сәуірінен - арнайы стратегияларды әзірлеу бөлімінің бастығы; 1999 жылдың желтоқсанынан - Әлеуметтік-экономикалық талдау департаменті директорының орынбасары. 2001 жылдың сәуірінен - ҚР Табиғи монополияларды реттеу, бәсекелестікті қорғау және шағын бизнесті қолдау агенттігі Монополияға қарсы саясат, шағын бизнесті қолдау және құқықтық қамтамасыз ету департаментінің директоры; 2001 жылдың шілдесінен - Шағын бизнесті қолдау және дамыту департаментінің директоры; 2002 жылдың қаңтарынан - Шағын бизнес департаментінің директоры, «Шағын кәсіпкерлікті дамыту қоры» ЖАҚ тексерушісі. 2002 жылдың қарашасынан - ҚР Экономика және бюджеттік жоспарлау министрлігі «Экономикалық зерттеулер институты» РМК қаржы мәселелері женіндені бас директордың орынбасары. 2003 жылдан - «Экспорттық несиелер мен инвестицияларды сақтандыру жөніндегі мемлекеттік сақтандыру корпорациясы» АҚ Басқармасы терағасының орынбасары. 2006 жылдан - «Шағын кәсіпкерлікті дамыту қоры» АҚ Басқармасы төрағасының орынбасары. 2007 жылдан - жеке секторда жүмыс істеген. 2008 жылдан - ҚР Президенті әкімшілігінің мемлекеттік инспекторы. 2009 жылдан - ҚР Индустрия және сауда министрлігінің жауапты хатшысы. 2010 жылдың наурызынан бері - ҚР Индустрия және жаңа технологиялар министрлігінің жауапты хатшысы. Медальмен марапатталған. Қызы мен ұлы бар.