Эжени Коттон

Эжени Коттон (13.10.1881, Субиз, - 16.06.1967, Севр)— халықаралық және француз демократиялық әйелдер қозғалысының қайраткері, ғылым-физигі. 1904 жылы оқытушы, 1936-1941 жылы Севрдегі Эколь нормальдың (педагогикалық институттың) директоры. Физика ғылымының докторы (1925), 1934 жылы ғылым-зерттеу жұмыстарындағы табыстары үшін Құрметті Легион орденімен марапатталды.

Коттон, Эжени Eugénie Cotton
Өмірбаяны
Мамандығы	халықаралық және француз демократиялық әйелдер қозғалысының қайраткері
Дүниеге келуі	13 қазан 1881 (1881-10-13) Субиз
Қайтыс болуы	16 маусым 1967 (1967-06-16) (85 жас) Севр

Коттон Эжени Францияны фашистік Германия басып алған жылдарда (1940-1944) Қарсыласу қозғалысына қатысты. 1945 жылы француз әйелдері одағының төрағасы болып сайланды. Коттон Эжени Әйелдердің халықаралық демократиялық федерациясы құрылған күннен бастап (1945), өмірінік ақырына дейін оның төрағасы болды. Ол бүкіл дүниежүзінде бейбітшілікті жақтаушылар қозғалысының тууына белсене қатысып, оның комитетінің мүшесі, 1950 ж. оның вице-төрағасы, ал 1959 жылғы мамыр айынан Бүкіл дүниежүзілік Бейбітшілік Кеңесі Президиумының мүшесі. Коттон — «Халықиар арасындағы бейбітшілікті нығайтқаны үшін» Халықаралық Лениндік сыйлықтың лауреаты. (1951).