Экономикалық рента

Экономикалық рента – өндіріс факторын өндірістік үдеріске тартуға және онда қосымша күш-жігер жұмсамай-ақ кәсіпкерлік қызметті ұстауға жетерліктей болуы үшін артық төлеу. Өндіріс факторынан алынатын табыс пен қызмет көрсетудің осы көлемін сол фактордың қамтамасыз етуі үшін қажетті ең төменгі сома арасындағы айырма. Экономикалық рентаның экономикалық-теория ұғымын сақтандыру рентасы, мемл. рента, сондай-ақ көбінесе рента деп аталып жүрген жер үшін жалдау ақысы тұрпатындағы қаржы-шаруашылық ұғымдармен шатыстыруға болмайды. Экономикалық рентаның түрлері:

• таза экономикалық рента: фактордың сапасына қарамай, тек оның шектеулілігі себепті алынады, ұзақ уақыттық кезеңде мұндай факторды ұсыну икемсіз – мыс., жер осындай;
• сараланбалы рента: ресурстың сапасымен байланысты (а. ш-нда – жер телімдерінің өнімділігімен байланысты); инфрамаржиналдық рента: басқалардан гөрі рента алушыда баламалы шығынның аз болуымен байланысты.