Электрмонтаж – 1) қосалқы станцияларда, электр станциларының машиналық залдарында, т.б. өндірістік үйлерде электрлік жабдықтарды жинау, қондыру, сондай-ақ кабельдік және аспалы электр желісін жүргізу, құрау жұмыстары. 2) Құрылыс нысанында Э. – тораптарды, блоктарды электрлік жабдықтарды электр жеткізу желісіне қосу, электрлік сымдарды жүргізу, кабельдерді ажырату жұмыстары. Радиотех. аппаратураларды, автоматика мен байланыс техникасының электрлік құрылғыларын монтаждау (жинау, дәнекерлеу, пісіру) жұмыстары да Э. түрі болып есептеледі.