Электроанализ

Электроанализ. Электроанализ негізіне электр тоғының әсерінен заттардың химиялық айырылысу реакциясы жатады. Сандық байланыстары мен заңдылықтарын Фарадей ашқан.

1. Электролиз кезінде бөлінетін зат массасы ерітінді арқылы өткен электр зарядтарының мөлшеріне тура пропорционал.
2. Ерітінді арқылы электр зарядының бірдей мөлшері өткенде, электродтарда заттың бірдей эквиваленттік мөлшері бөлінеді. Бұл зандылықтарды математикалық өрнек түрінде көрсетуте болады:

$m={\frac {M_{e}*Q}{F}}$

мұндағы m - электролиз кезінде бөлінген немесе электродта реакцияға түскен зат массасы, г; M_э - талданушы заттың эквивалентік массасы Бұл молярлық массаның электродтық реакцияға қатысатын электродтар санына қатынасына тең, г/моль; Q = I*t - ерітінді арқылы өткен ток мөлшері, Кл; F - Фарадей саны (96500 Кл/моль).

Электрогравиметрия және кулонометрияны электроанализ тәжірибесінде электродтық механизмге тәуелділік реакциясы арқылы ажыратады. Электрогравиметрияда анализденетін зат электродқа қатты түрде бөлінетін электродтық реакция қолданылады.

Мысалы:

Zn²⁺ + 2e → Zn⁰ (катодта тотықсызданады)

Pb²⁺ + 0H₂O - 2e → PbO₂ + 4H⁺ (анодта тотығады)

Мұнда аналитикалық сигнал - бөлінген заттың массасы болып табылады, оны электролизге дейінгі және кейінгі электрод массасының айырымымен анықтайды. Кулонометрияда анализденетін зат процесіндегі электродтық реакция электродта қатты түрдегі бөлінбейді.

Мысалы:

Fe³⁺ + e → Fe²⁺ (катодта тотықсызданады)

2Cl^- - 2e → Cl₂ (анодта тотығады)

Бұнда аналитикалық сигнал анализденетін ерітінді арқылы өтетін ток мөлшері болып табылады, оны кулонометр немесе кулонометрлік титрлеу көмегі арқылы өлшейді.