Элиза Леонида

Элиса Леонида Замфиреску (10 қараша 1887 — 25 қараша 1973) — румын инженері, алғашқы инженерлік дәрежеге ие болған әйелдердің бірі. Ол Румынияның Галац қаласында дүниеге келген, бірақ Берлинде білім алған. Бірінші дүниежүзілік соғыс кезінде ол Румынияда аурухана басқармашысы болған.

Элиза Леонида Замфиреску
Elisa Leonida Zamfirescu
Туған күні	10 қараша 1887 (1887-11-10)
Туған жері	Галац, Румыния
Қайтыс болған күні	25 қараша 1973 (1973-11-25) (86 жас)
Қайтыс болған жері	Бухарест, Румыния
Жұмыс орны	Румыния геологиялық институты
Альма-матер	Копенгаген университеті

Өмірбаяны

Элиза Леонида 1887 жылы 10 қарашада Галациде 11 баласы бар отбасында дүниеге келді. Оның әкесі — Атанасе Леонида румын офицері болған, ал анасы Матилда Гилл — француз инженерінің қызы болған.

Ғылым саласындағы әйелдерге деген көзқарасқа байланысты Замфирескуден Бухаресттегі көпірлер мен жолдар мектебі бас тартты. 1909 жылы ол Шарлоттенбург, Берлин Корольдік техникалық академиясына қабылданды. Ол 1912 жылы инженер мамандығы бойынша бітірді. Замфиреску әлемдегі алғашқы әйел инженері болды деген пікір айтылды, бірақ ағылшын әйел Нина Кэмерон Грэм сонымен қатар 1912 жылы Ливерпуль университетінде азаматтық құрылыс мамандығы бойынша диплом алды, ал ирланд инженері Элис Перри алты жыл бұрын: 1906 жылы бітірді. Оның барлық ағалары интеллектуалды мансапқа қол жеткізді.

Олардың ішінде ең танымалдары:

• Джордж Леонида — мүсінші, Рио-де-Жанейродағы Корковадо тауына орнатылған "[[Құтқарушы Иса Мәсіх мүсіні|Құтқарушы Иса Мәсіх]]тің" әйгілі мүсінін жасаған Париж мүсіншісі Пол Ландовски командасындағы қызметкер. Бүгінде оның Бухарест өнер мұражайы мен Бран сарайынан кейбір жұмыстарын табуға болады;
• Адела Леонида — Жарқын ошақ ауруханасының директоры, офтальмолог;
• Димитри Леонида — энергетик, оның атында техникалық мұражайы бар;
• Наталья Леонида — Бухарест университетінің педагогі, бірнеше мараппатармен мадақталған.

Замфиреску 1963 жылы 75 жасында зейнетке шықты. Зейнетке шыққаннан кейін ол қарусыздану шараларына қатысты. Ол 1973 жылы 25 қарашада 86 жасында қайтыс болды. Оның атынан ғылым мен техника саласында жұмыс істейтін әйелдерге арналған сыйлық — "Элиса Леонида-Замфиреску" сыйлығы белгіленді.

Мансап

Румынияда Элиза Замфиреску Румынияның Геологиялық институтында ассистент болып жұмыс істеді. Бірінші дүниежүзілік соғыс кезінде ол Қызыл Крестке қосылып, Румынияның Мэрэшти қаласында аурухананы басқарды. 1917 жылы оның ауруханасы Германия мен Румыния әскерлері арасындағы Мэрэшти шайқасында жаралыларды қабылдады. Румыния 28 күн ішінде жеңіске жетті, оның барысында 12000-нан астам жарақаттанған румындар мен 10 000-нан астам басқыншылар емделді.

Дәл сол уақытта ол химик Константин Замфирескумен, саясаткер және жазушы Дуйлиу Замфирескудің ағасымен танысып, бірнеше жылдан кейін Константин Замфирескуге тұрмысқа шықты. Соғыстан кейін Элиза Геологиялық институтқа оралды. Ол бірнеше геологиялық зертханаларды басқарды және әртүрлі далалық зерттеулерге қатысты, соның ішінде кейбір көмір, тақтатас, табиғи газ, хром, боксит және мыс қорларын анықтады. Замфиреску физика мен химиядан да сабақ берді.

Марапаттар

• Элиза Замфиреску - AGIR (Румыния инженерлерінің жалпы қауымдастығы) алғашқы әйел мүшесі.
• Бухаресттің 1 секторындағы көше Элиза Замфиреску атымен аталды.
• 2018 жылы Элиза Замфиреску туған күнінде Google Doodle марапатталды.
• "Элиса Леонида-Замфиреску" сыйлығы белгіленді.