Эмили Донельсон

	Эмили Донельсон; Emily Donelson
Лауазымы
Ту	АҚШ-тың Бірінші Ханымы
4 наурыз1829 жыл — 19 желтоқсан 1836 жыл
Ізашары	Луиза Адамс
Ізбасары	Сара Йорк Джексон
Өмірбаяны
Дүниеге келуі	1 маусым 1807 ; Донельсон, Теннесси, АҚШ
Қайтыс болуы	19 желтоқсан 1836 (29 жас); Нашвилл, Теннесси, АҚШ
Әкесі	Джон Донельсон
Жұбайы	Эндрю Джексон Донельсон
	өңдеу

Эмили Теннесси Донельсон (ағылш. Emily Donelson; 1 маусым 1807 – 19 желтоқсан 1836) – Америка Құрама Штаттарының президенті Эндрю Джексонның немере жиені және 1829-1836 жылдары аралығында АҚШ-тың бейресми Бірінші ханымы.

Балалық шақ және неке

Эмили Теннесси Донельсон әкесінің фермасында Донельсон, Теннесси штатында дүниеге келді. Оның әкесі, Джон Донельсон болашақ президенттің әйелі Рейчел Донельсон Джексонның ағасы болған. Сол кездегі көптеген қыздарға қарағанда Эмили формалды білім алды. Ол әйелдерге арналған Нашвиллдың академиясында оқып. Оның үлгерімі өте жақсы болды.

1824 жылы 16 қыркүйекте он жеті жасар Эмили Эндрю Донельсонға тұрмысқа шығады. Донельсон Эмилидің бөлесі және тәтесі мен ағасы Эндрю мен Рейчел Джексонның келісімі бойынша оның қамқоршысы болды.

Ақ үй

Рейчел Джексон ажалының алдында Ақ үйге өзінің көмекшісі ретінде Эмилиді алуды ойлаған деген пікір бар. Джексон Эмилимен бұл жайлы «Эрмитаж» плантациясында Теннесиде ақылдасқаны туралы айтқан болатын. Алайда Рейчел Джексонның өлімі бұл жоспарды өзгертіп, Эндрю Джексон Эмилиге Ақ үйдің бәбішесінің рөлін ұсынды.

Эмили Вашингтонға келгенде жиырма бір жасында болған еді. Оның күйеуі Эндрю президенттің жеке хатшысының қызметін атқарған. Бірінші айлары Рейчел Джексон үшін қаралы болды. Қаралы кез Эмили 1830 жылы 1 қаңтарда Жаңа жылға арналған кешті ұйымдастырғанда ғана бітті.

Қалған өмірі

1830 жылы президент пен Эмили Пегги Эйтон атты әйел үшін араздасып қалады. Эмили және Эндрю президентпен бірге демалысқа Эрмитажға аттанады. Эмили президентке өте ызалы болғандықтан Эрмитажда қалудан бастартып, анасының үйінде тұрады. Вашингтонға Джексон Эндрюмен қайтады, ал Эмили сол жерде қалады.

Сара Йорк Джексон

Джексон Вашингтонға оралған соң Эмилиге өзінің міндеттеріне кірісуді өтінді. Алайда Эмили міндеттерін Джексонның Пегги Итонды Ақ үйде қабылдаса орындамайтының айтты. Президент өз айтқанынан қайтпаған соң немере жиенімен бір жыл сөйлескен жоқ.

Пегги Эйтонның ісі Джексон Генри Итонды Испаниядағы АҚШ министрі ретінде Мадридке жіберген соң басылды. Келіспеушіліктің себебі жойылған соң Эмили Ақ үйге оралды. Ол 1831 жылы 5 қыркүйекте келді.

1834 жылы 26 қарашада Сара Йорк Джексон, президенттің немере жиені Ақ үйге келіп, бәбіше рөлін атқаруды бастады. Екі әйелдің арасындағы келіспушілікті жою үшін Джексон Сараны Эрмитаждың бәбішесі ретінде таныстырды. Осыған қарамастан Эмили мен Сара жақсы тіл табысып кетті. Американдық тарихта алғаш рет екі әйел бірге Ақ үйді басқарды.

Эмилидің денсаулығы 1836 жылы нашарлай бастады. Оған туберкулез деген диагноз қойылған болатын. 1836 жылы маусымда ол Эрмитаджың қасында орналасқан «Poplar Grove» плантациясын жаңарту үшін Ақ үйден кетеді. Оның денсаулығы нашарлай берген соң Эмили жиырма тоғыз жасында 1836 жылы 19 қыркүйекте қайтыс болады.

Сілтемелер

Findagrave.com сайтында Эмили Донельсон