Эндоцервицит

Эндоцервицит — жатыр мойынының цервикальді өзегінің қабынуы. Жатыр мойны жатыр мойнының ішкі және сыртқы аңқасы, өзегі болып үшке бөлінеді. Жатыр мойының қабынуы көптеген факторлар: жатыр қуысын қырнаудан, аборт/түсік жасаудан, қынаптың қабыну аурулары салдарынан дамуы мүмкін.

Клиникалық көрінісі:

Ауру жедел сатысында науқас жыныс жолдарынан шырышты-іріңді, іріңді бөліністерге, кей кездерде іштің төменгі бөлігінің тартып ауруына шағымданады. Жатыр мойынын айнамен қарауда (гинекологиялық зерттеу кезінде) және кольпоскопия кезінде: сыртқы аран маңындағы қызару (гиперемия), кей кездерде эрозия пайда болуы, серозды іріңді бөліністерді байқауға болады.

Созылмалы цервицит кезінде жатыр мойынының қатаюы, шамалы түрде кисталардың пайда болуымен сипатталады.

Цервицитті диагностикалау үшін науқас шағымы, жыныс жолдарын айнамен қарау, бимануалды тексеріс жүргізу, жыныс бөлінділерін бактериологиялық және бактериоскопиялық зерттеу, жалпы қан анализі, жамбас қуысы ультрадыбысты тексеру жүргізіледі.

Емі

Жедел сатыдағы эндоцервицитті емдеу микроорганизім сезімталдылығына байланысты антибиотик тағайындау болып табылады. Емдеу жалпы жүргізіледі. Бұл кезде жергілікті ем қолдануға болмайды. Себебі жатыр мойынындағы инфекция жатыр ішіне немесе одан жоғары көтеріліп кету қауіпі бар.