Этсако

Этсако — Нигерияның оңтүстік бөлігінде тұратын халық. Жалпы саны шамамен 274 мың адам. Қазіргі уақытта Эдо штатының үш жергілікті өзін-өзі басқару аймағын алып жатыр. Олар: Шығыс Этсако, Батыс Этсако және Орталық Этсако.

Этсако
Бүкіл халықтың саны
274 000
Ең көп таралған аймақтар
Нигерия
Тілдері
эдо тілі
Діні
дәстүрлі нанымдар, суннизм

Тілі

Нигер-Кордофан отбасының ква тобының эдо тілінің диалектілерінде сөйлейді.

Діні

Сенушілер – сүнниттік мұсылмандар, көпшілігі дәстүрлі нанымдарды ұстанады.

Кәсібі

Негізгі кәсібі – қолмен атқарылатын егіншілік (ямс, жүгері, пальмалардың әртүрлі түрлері). Ет бағытында ірі қара мал, қой, ешкі, құс өсіріледі. Аңшылық пен балық аулау белгілі бір маңыздылығын сақтаған. Қолөнердің ішінде ұсталық, тоқымашылық, ағаш ою өнері дамыған. Көрші халықтармен сауда-саттық дамыған.

Тұрмыс салты

Қоғамдастық екі жақты туыстық қатынастағы көп балалы отбасылардан тұрады. Неке вири- немесе уксорилокальды болуы мүмкін. Жас класс жүйесі үлкен рөл атқарады.

Елді мекендері, әдетте, сызықтық түзу орналасқан, отаршылдық дәуірде олар еуропалықтар салған жолдар бойына қоныстана бастады. Дәстүрлі тұрғын үйлері төртбұрышты, бір немесе екі қабатты, көбінесе көп бөлмелі, кейде верандасы бар. Қабырғалары балшықпен сыланған сырықтардан немесе бағаналардан, шатыры екі немесе төрт еңісті, пальма жапырақтарымен, сабанмен немесе шөппен жабылған.

Дәстүрлі киімі белге немесе кеудеге оралған ақ немесе ақ-көк мата бөлігі - ивбиосакон, қазір Еуропалық костюм элементтерімен толықтырылған.

Этсако халқы эцакор музыкасымен кеңінен танымал.