Юлия Александровна Санина

Юлия Александровна Санина (укр. Ю́лія Олекса́ндрівна Са́ніна 11 қазан 1990 жыл, Киев, Украина КСР) — украиндық әнші, украиндық The Hardkiss тобының жетекшісі.

Юлия Санина укр. Ю́лія Олекса́ндрівна Са́ніна
Юлия Санина 2019 жылы M1 Music Awards салтанатында
Негізгі ақпарат
Толық аты	укр. Ю́лія Олекса́ндрівна Са́ніна
Туған күні	11 қазан 1990 (1990-10-11) (34 жас)
Туған жері	Киев, Украина КСР
Белсенділік жылдары	2011
Мемлекет	Украина
Мамандықтары	әнші, сазгер, актриса
Дауыс түрі	контральто
Аспаптары	фортепиано
Жанрлары	альтернативті рок
Ұжымдары	The Hardkiss

Білімі

2005 жылы Юлия джаз және эстрада өнері балалар музыка мектебін бітірді. Музыкалық мектепте ол джаз және эстрада өнерінің негіздерін оқыды. Мектептен кейін ол Тарас Шевченко атындағы Киев ұлттық университетінің филология институтына түсіп, оны 2013 жылы фольклортанушы мамандығы бойынша бітірді. Университетте оқып жүргенде журналистикамен айналысып, корреспондент болып жұмыс істеді, музыкалық тақырыптармен айналысты.

Отбасы

Үйленген. Жұбайы: Валерий Бебко, The Hardkiss тобының шығармашылық продюсері және гитаристі. Олар 2009 жылдан бері бірге. 2011 жылы үйлену тойын өткізген. 2015 жылдың 21 қарашасында ерлі-зайыптылардың Даниел есімді ұлдары болды.

Жастық шағы

Юлия Санина (Голован) 1990 жылы 11 қазанда Киевте, Украинада дүниеге келген. Оның ата-анасы музыкант болғандықтан, ол кішкентай кезінен бастап музыкалық шығармашылықпен айналысқан. 3 жасында ол алғаш рет әкесі басқаратын ансамбль құрамында сахнаға шықты. Оның вокалдық қабілетіне байланысты балабақшада Юлия барлық ертеңгіліктердегі басты рөлдерге алынған.

Балалық шағының барлығына дерлік Юлия әртүрлі балалар топтарында ән шырқады, жеке немесе джаз оркестрінің құрамында өнер көрсетті, әртүрлі теле және радио бағдарламаларына қатысты. Балалық және жасөспірімдік жылдарында Юлия Санина 10-нан астам түрлі дипломдар мен байқаулар мен фестивальдерде жеңіске жетті:

• 1999 жылы Қара теңіз ойындары фестивалінің және 2004 жылы Өтесов атындағы балалар джаз фестивалінің дипломаты;
• «Христос у моєму серці» және «Джаз ырғақтары» фестивалінің лауреаты;
• Будапештте өткен «Жастар әлемі 2001» халықаралық фестивалінің ІІ жүлдесінің иегері;
• 2001 жылы ««Крок до зірок»» телебайқауының жеңімпазы;
• «Славян базары 2002» халықаралық балалар фестивалінің І жүлдесінің иегері;
• 2006 жылы «Мен жұлдызды болғым келеді» телебағдарламасының финалисті болды.

15 жасында балалар эстрада және джаз өнеріне арналған музыка мектебін бітірді. Одан кейін 2 жыл бойы Sister Siren рок тобының әншісі болды.

Әндері, альбомдары, жетістіктері

2011 жылдың күзінде Юлия зайыбы Валерий Бебкомен бірге Val & Sanina эстрадалық тобын құрды. Жас жұбайлар әннің сөзі мен музыкасын өздері шығарды. Олар алғашқы бейнебаянын Юлияның шәкіртақысына түсірді.

Санина MRPL City 2017 фестивалінде

Кейінірек Юлия мен Валерий топтың атын өзгертін, «The Hardkiss» деп атады. Юлия вокалист, ал Валерий гитарист болып, топтың режиссері, продюсері және бейне режиссері қызметін атқарды. Топ әндерін орыс тілінен ағылшын тілінде орындауға көшті.

Қыркүйек айында топ «Babylon» атты алғашқы туындысын шығарды және Киевтің «Serebro» клубында дебюттік концерт өтті.

2011 жылдың желтоқсанында «Dance With Me» бейнебаяны Leisure UA басылымының стильді бейнежұмыстар рейтингінде екінші орын алды, сонымен қатар барлық елдерде MTV арнасында көрсетіле бастады. 2012 жылдың басында «The Hardkiss» Sony BMG және Францияның «Eye-Models» агенттігімен келісімшартқа отырды.

Жылдың соңында «Shadows Of Time» әнін жазды. Бұл Юрий Коцюбинскийдің «Ұмытылған ата-бабалардың көлеңкелері» романы бойынша түсірілген украин көркем фильмінің саундтрегіне айналды.

Валерий Бебко мен Юлия Санина Одесса халықаралық кинофестивалінде, 2014 ж

2014 жылдың қазан айында топтың «Stones and Honey» атты алғашқы студиялық альбомы шықты. 2014 жылдан кейін «The Hardkiss» Ресейде өнер көрсетуден бас тартты.

2015 жылдың наурыз айында Юлия мен оның командасы «Үздік альбом» («Stones and Honey») және «Үздік ән» («Stones») номинациялары бойынша YUNA музыкалық сыйлығын жеңіп алды. Желтоқсан айында «The Hardkiss» - «Cold Altair» шағын альбомын шығарды.

2016 жылдың қазан айында Санина мен оның тобы Киевтің «Stereo Plaza» клубында бес жылдық бірлескен қызметін үлкен шоумен атап өтті. Күзде музыкалық топ шетелде 36 концерт қойды.

2017 жылдың сәуір айында «The Hardkiss» өзінің екінші ірі студиялық жұмысы «Perfection is a Lie» атты туындысын ұсынды. Үш айдан кейін шыққан «Тырналар» бейнебаяны топтың жылдың басты хиті болды. Келесі жылы бұл ән YUNA сыйлығының «Украин тіліндегі ең жақсы ән» номинациясында танылды. Сонымен қатар, «The Hardkiss» 2017 жылы Украинадағы ең үздік рок-тобы атанды.

Юлия Санина (сол жақта) Eurovision 2023 ән байқауының жүргізушісі

Сондай-ақ «Тырналар» Санина тобына «Алтын отты құс - 2018» жүлдесінде («Жыл балладасы» номинациясында) жеңіс әкелді. 2018 жылдың қыркүйегінде «Залізна ластівка» деп аталатын үшінші альбом шықты. Альбомды қолдау үшін топ Украинаның он қаласында концерттік тур өткізді. 2018 жылы Санина «Viva! «Ең әдемі-2018» сайысында «Viva’s Choice!» номинациясы бойынша жеңімпаз атанды.

2019 жылдың наурыз айында команда Украинаның 17 қаласын, Польшаның үш ірі қаласы мен Беларусь астанасын аралап, турдың екінші бөлігіне аттанды. 2020 жылы «Жива» бейнебаяны "Алтын от құсы" байқауында Жылдың үздік клипі болып танылды. Жазда "Акустика.Live" альбомы шықты, оған он бес ән мен төрт аудио туынды кірді.

2021 жылы «The Hardkiss»-тің он жылдығына орай «Жива і не залізна» төртінші студиялық альбомы шықты. Сол жылы Киевтегі Олимпиада стадионында үлкен концерт жоспарланған. Бірақ коронавирусқа байланысты оны бір жылға кейінге қалдыру туралы шешім қабылданды. Сонымен бірге топ Украина бойынша кезекті концерттік турға шықты.

«The Hardkiss»-пен жұмыс істеген он жыл ішінде Юлия бірнеше сәтті дуэт жазып үлгерді. 2013 жылы «Strange Moves» трегі «Kazaky» тобымен, 2019 жылы Тина Каролмен «Вільна», 2020 жылы Монатик «Кобра» әнімен шықты.

Олар теледидардың жиі қонағы болды. 2016 жылы Санина «X-Фактор» таланттар шоуының жетінші маусымында төреші және тәлімгер болды. Ол «Суперинтуиция», «Маскарад», «Жұлдыздарға қарсы балалар», «Логика қайда», «Барлығы ән салады», «Липсинк Батл» шоуларына қатысты, «Салмақ және бақытты» және «Украинадағы топ модель» бағдарламаларының жұлдызды қонағы болды.

2021 жылдың наурыз айында «The Hardkiss» тобының әншісі «Орел и решка» туристік шоуының қатысушысы болды, әнші Никита Алексеев Санинамен бірге Колумбияның Медельин қаласына аттанды.