Юрий Алексеевич Кубайчук

Юрий Алексеевич Кубайчук

Юрий Алексеевич Кубайчук

1953 жылы 10 наурызда Қарағанды қаласында туған. Украин.

Әкесі - Кубайчук Алексей Алексеевич, зейнеткер, «Қарағанды кемір» ендірістік бірлестігінің «Майқұдық» шахтасында ұңғылау бригадасының бригадирі , Социалистік Еңбек Ері. Анасы - Кубайчук Екатерина Николаевна, зейнеткер, үй шаруасымен айналысқан.

Қарағанды мемлекеттік техникалық университетінің таукен факультетін (1975) бітірген, кен инженері. Техника ғылымдарының кандидаты (2000). Кандидаттық диссертациясының тақырыбы: «Тазарту комбайндарының жұмысы кезіндегі кемір сортын жақсарту және шаңтүзілуін азайту тәсілдерін жасау».

9 ғылыми еңбектің, соның ішінде «Кескіштерді секторлық орналастырып қою атқарушы ұйымдарының шахталық сынақтар нәтижесі», «Тазарту комбайндарының жұмысы кезінде шаң түзілуін азайту», «Кескіштерді секторлық орналастырып қою шнектерін сынау» еңбектерінің авторы. 3 өнертабысына авторлық куәлігі бар; 34 ұтымды ұсыныстардың авторы.

Орыс және украин тілдерін біледі.

«Нұр Отан» ХДП мүшесі (1998 жылдан).

1975 жылдан - «Майқұдық» шахтасында кен шеберінен бас инженерлікке дейін өсті. 1993 жылдан - «Қарағанды» шахтасының директоры. 1995 жылдан - Қарағанды облыстық әкімшілігінің ғимараттары мен қызмет үйлері дирекциясының бас инженері. 1996 жылдан - «Қазақмыс» корпорациясы «Бөрлі» ӨБ бас директоры. 1997 жылдан -«Қазақмыс» АҚ жылу-энергетикалық кешенінің бас директоры. 2002 жылдан - «Қазақмыс» корпорациясының Қарағанды облысы және Қарағанды қаласы бойынша бас уәкілі.

2008 жылдан бері - Қарағанды облысының Нұра және Жаңа Арқа аудандық мәслихаттарынан сайланған ҚР Парламенті Сенатының депутаты, Заңнама және құқықтық мәселелер комитетінің мүшесі.

ҚР Парламенті Сенатының жергілікті өкілдік органдармен (мәслихаттармен) өзара қатынас жөніндегі «Өңір» депутаттық тобының мүшесі . ҚР Үкіметі жанындағы стратегиялық нысандар жөніндегі комиссия мүшесі. «Құрмет» орденімен (2007); «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Қазақстан Парламентіне 10 жыл» (2006), «Астананың 10 жылдығы» (2008) медальдарымен марапатталған.

Әскери атағы - аға лейтенант.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Қазақстан экономикасының екпінді шапшаң өсуі және Қазақстанда өмір сүретін халықтың әл-ауқатының артуы».

Хоббиі - орманда демалу және саңырауқұлақ жинау.

Сүйіп оқитын әдебиеті - жаңарған энергия көздері саласында техникалық әдебиеттер.

Үйленген. Жұбайы - Кубайчук Валентина Петровна (1951 жылы туған), дәрігер-педиатр, үй шаруасымен айналысады. Қыздары - Оксана (1976 жылы туған), Мария (1977 жылы туған).