Юрий Богданович Туманян

Юрий Богданович ТУМАНЯН (1.2.1936 жылы туған, Ташкент қаласы) – архитектор.

Ташкент политехникалық институтының архитекторлық факультетін (1961) бітірген. 1961 – 65 жылы Қазақстан қала құрылысын жобалау институтында архитектор, аға архитектор, шеберхана жетекшісі, бас архитектор, 1965 – 67 жылы Қазақ политехникалық институтында (қазіргі ҰТУ) аға оқытушы, 1967 – 75 жылы Алматы қала құрылысын жобалау институтында бас архитектор болып қызмет атқарды.

Оның жобасымен Алматы қаласында Қыздар Мемлекеттік педагогикалық интернаты (1962, арх. В.В. Бирюковпен бірге), бұрынғы хореогр. училищесінің (1976) және Республика алаңындағы ғимараттар (1980, архитектор Р.Сейдалин, А.Қапанов, М.П. Павлов, Қ.Монтақаев, инженер-конструктор Қ.Нұрмақовпен бірге; КСРО Мемлекеттік сыйлығы, 1982) салынды.[1][2]

ДереккөздерӨңдеу

  1. Қазақ энциклопедиясы, 8 том
  2. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8