Ягеллондар

Ягеллондар – 1386 – 1572 жылғы поляк корольдары мен литван ұлы князьдарының (1377 – 1572, аз уақыт үзілістермен) әулеті; Ягеллондар өкілдері сонымен қатар Чехияда (1471-1526) және Венгрияда (1440-1444, 1490-1526) билік жүргізді.

Сипаттама

Әулеттің негізін салушы Ягайло есімімен аталды. Ягайло – 1377 – 1392 жылдары литван ұлы князі және 1386 – 1434 жылдары поляк королі. Оның үлкен ұлы Владислав 1440 жылы сонымен қатар Венгрияның да королі болды. Ол 1434 – 1444 жылдары поляк королі. Уласло І 1400 және 1444 жылдары билеуші рөлін атқарған. Кіші ұлы Казимир 1440-1492 жылдары литван ұлы князі, ал 1447 жылы оның үстіне поляк королі болып сайланды. Казимир ІV Ягеллончик 1447 – 1492 жылдары ел билеген. Сөйтіп поляк – литван униясы қалпына келтірілді. 1471 жылы Казимир ІV-нің үлкен ұлы Владислав Чехия королі (Владислав ІІ Ягеллон, 1471 – 1516), ал 1490 жылдан сонымен бірге Венгрия королі (Уласло ІІ, 1490 – 1516 жылдары ) болып сайланды. 1492 жылы Казимир ІV-нің ұлдары: Польшада – Ян І Ольбрахт (король, 1492 – 1501 жылдары), Литвада Александр Казимирович ( литван ұлы князі, 1492 – 1506) әкесінің билеуші мирасқорлары болып сайланды. Казимир ІV-нің кіші ұлы Кәрі Сигизмунд І (Польша мен Литвада, 1506 – 1548) және Кәрі Сигизмунд І-нің ұлы Сигизмунд ІІ Август (1548 – 1572) Ягеллондардың соңғы өкілдері болды.