Ярославль авиаапаты (2011 жыл, 7 қыркүйек)
2011 жылы cәрсенбі күні 7 қыркүйекте Ярославль қаласы түбіндегі "Туношна" әуежайынан AKY-9633 рейсімен Минске бағыт алған, бір шақырымдай жерде, әуеге көтеріле бергенде жерге құлап түскен Як-42 ұшағында барлығы 45 адам болған. Осы ұшақпен ҚХЛ өнер көрсететін Ярославльдің "Локомотив" хоккей командасының 37 мүшесі Беларусь еліне ойынға кетіп бара жатқан. Олардың арасында Ресей, Беларусь, Чехия, Словакия, Швеция, Латвия және Канада азаматтары болған.
Ұшақ апатынан екі кісі - хоккей клубының мүшесі Александр Галимов пен ұшақ экипажындағы сегіз адамның бірі бортинженер Александр Сизов тірі қалған. Александр Галимов қыркүйектің 12 таңертең Вишневский атындағы хирургия институты ауруханасында көз жұмды.[1] Ресей мен халықаралық хоккей ойыншылары мінген ұшақ апатынан кейін Ярославль билігі жұма күннен бастап үш күнді қаралы күндер деп жариялады. Як-42 ұшағы құлаған жерге Ресей президенті Дмитрий Медведев те барды. Ярославль аймағында жұртшылық сәрсенбіде ұшақ апатында қаза тапқандарды қыркүйектің 9-ынан бастап үш күн бойы аза тұтады.[2]