Ярослав Иванович Железняк
Ярослав Иванович Железняк (укр. Железняк Ярослав Іванович; 20 қазан 1989 жыл, Мариуполь қаласы, Донецк облысы, Украин КСР) — Украиналық экономист, 2017 жылдан бастап - Украина премьер-министрінің парламенттік мәселелер жөніндегі кеңесшісі, Киев экономика мектебінің оқытушысы. «Голос» партиясынан 9-шақырылымдағы Украина халық депутаты.
| Ярослав Иванович Железняк укр. Железняк Ярослав Іванович | ||||
| ||||
| Лауазымы | ||||
|---|---|---|---|---|
| ||||
| 29 тамыз 2019 | ||||
| Өмірбаяны | ||||
| Партиясы | Голос | |||
| Білімі | Украина Жоғарғы Радасының Заң институты, Киев ұлттық университеті | |||
| Мамандығы | саясаткер, экономист | |||
| Дүниеге келуі | 20 қазан 1989 (35 жас) Мариуполь, Украина КСР | |||
| Жұбайы | Антуанетта Юрьевна | |||
өңдеу  |
||||
Білімі
өңдеуЯрослав Железняк 1989 жылы 20 қазанда Мариуполь қаласында дүниеге келді. Ол мектепті туған жерінде бітірді. 2009 жылы – Украина Жоғарғы Радасының Заң институтында оқыды. Содан кейін Тарас Шевченко атындағы Киев ұлттық университетінің халықаралық қатынастар институтын бітіріп, «Халықаралық бизнес» мамандығын алып шықты. 2013 жылы магистр дәрежесін алды.[1]
Отбасы
өңдеуЖұбайы - Антуанетта Юрьевна Белая Церковь қаласынан, кәсіпкерлікпен айналысады.[2]
Қызметі
өңдеу2010 - 2014 - Kesarev Consulting компаниясында мемлекеттік мәселелер бойынша аға кеңесші болып жұмыс істді.
2014 - 2015 - Анхейзер-Буш Инбевтің директорлар кеңесінің мүшесі, үкімет мәселелері жөніндегі кеңесшісі.
2015 – 2019 ж. – жеке тұлға ретінде тіркеліп, ресми түрде кәсіпкерлікпен айналысады. Негізгі қызмет түрі басқару және коммерциялық қызмет бойынша консультациялық қызметтерді көрсету болды.
GR (мемлекеттік органдармен өзара іс-қимыл), адвокатура және коммуникациялар саласындағы маман.
«Инновациялық демократия агенттігі» үкіметтік емес ұйымының жетекшісі және PolitEyes жобасының тең құрылтайшысы.
Ярослав Железняк - Киев экономика мектебінің оқытушысы. Соңғы жылдары «Украинская правда» газетінде онға жуық басылымның авторы болды. Оның материалдарының тақырыбы - үкіметтің салық саясатын талдау, кәсіпкерлерге арналған инновациялар туралы Жоғарғы Раданың жаңа заңдарын түсіндіру, Украина парламенті сессияларының қорытындылары, Қауіпсіздік қызметінің отандық бизнеске қысымын сынау.[3]
Саяси қызметі
өңдеуЯрослав Железняк Парламентке сайланғанға дейін саяси қызметпен белсенді айналысты. 2007 — 2012 жылдары — қоғамдық негізде ВРУ депутаты Алексей Плотниковтың (өңірлер партиясы) көмекші-кеңесшісі болып жұмыс істеді.
2014-2019 жж. - халық депутаты Виктория Птичниктің көмекшісі-кеңесшісі (Өзіне-өзі көмек партиясы).
2015 - 2016 жылдары - Украинаның Экономикалық даму және сауда министрінің Айварас Абромавичюстің үкімет пен парламенттік байланыстар жөніндегі кеңесшісі болып жұмыс істеді.
2016 - 2019 - Украинадағы реформаларды қолдау жөніндегі стратегиялық консультативтік топтың (SAGSUR) кеңесшісі.
2017 - 2019 - Премьер-министр Владимир Гройсманның парламенттік байланыстар бойынша кеңесшісі болып жұмыс істеді.
2019 жылдың көктемінде Святослав Вакарчуктың «Голос» партиясына кіреді. Мажоритарлық округтерге кандидаттарды үйлестіруге жауапты партияның сайлау штабының жетекшілерінің бірі болады. Ол «Голос» парламенттік тізімінде 4 нөміріне ие болды және 2019 жылдың тамызында Украина Жоғарғы Радасының ІХ шақырылымының депутаты ретінде ант қабылдады.
Парламентте «Голос» партиясының парламенттік фракциясы төрағасының орынбасары болып сайланды. Қаржы, салық және кеден саясаты комитеті төрағасының бірінші орынбасары болды.
2020 жылдың маусымында ол Ішкі істер министрі Арсен Аваковты қызметінен босату туралы қаулыны енгізу бастамашыларының бірі болды. «Голос» фракциясы халық қалаулыларының 55 қолын жинап, қаулы жобасы тіркеуге жіберілді. Алайда моно-көпшілік министрді қолдап, бұл бастама нәтижесіз аяқталды.
2021 жылдың 26 қаңтарында Жоғарғы Раданың төрағасы Дмитрий Разумков отырыс басталар алдында Ярослав Железняктың «Голос» фракциясының басшысы болып сайланғаны туралы хабарлады. Ярослав Железняк Украина парламенті тарихындағы ең жас фракция жетекшісі атанды.[4][5]
Дереккөздер
өңдеу- ↑ Железняк Ярослав Иванович. Тексерілді, 31 наурыз 2024.
- ↑ Железняк Ярослав. Тексерілді, 31 наурыз 2024.
- ↑ Железняк Ярослав Иванович. Тексерілді, 31 наурыз 2024.
- ↑ Железняк Ярослав Иванович Досье №777/622. Тексерілді, 31 наурыз 2024.
- ↑ Ярослав Железняк. Тексерілді, 31 наурыз 2024.