Қадыржанов атындағы көше (Алматы)

Қадыржанов атындағы көше (Алматы) Көшеге елімізге танымал инженер-металлург, Қазақ КСР-інің еңбегі сіңген металлургі, Ұлы Отан соғысының ардагері Қамал Қадыржановтың есімі (Алматы қаласы мәслихатының 6.03.2008 №83 шешімі мен Алматы қаласы әкімдігінің 14.03.2008 №2/139 қаулысы) берілген. Қадыржанов Қамал (1906-1981) Талдықорған, Қарағанды облыстарының атқару комитеті төрағасының орынбасары, Қазақ КСР-інің Түсті металлургия министрлігінің шахта құрылысы басқармасының бастығы қызметтерің атқарған. Көше Әуезов ауданының «Қалқаман-2» шағынауданында орналасқан. Көшенің ұзындығы - 900 метр.