Қадыр Өтегенұлы Жүсіп

Қадыр Өтегенұлы Жүсіп (1937 жылы 10 қарашада Атырауда туған) — ақын, Филология ғылымдарының докторы (1996), профессор (1998).Педагогика қызыметкері. Қазақстан Ресбуликасының Білім беру ісінің Үздігі.

Қадыр Өтегенұлы Жүсіп
Туған күні	10 қаңтар 1937 (1937-01-10) (84 жас)
Туған жері	Атырау
Азаматтығы	Қазақ КСР  Қазақстан
Ұлты	Қазақ
Мансабы	ақын, филолг, педагог
Марапаттары

Толығырақ

• Қадыр Өтегенұлы 1937 жылы 10 қарашада Атырауда дүниеге келген.
• Атырау мемлекеттік педагогика институтын (1961, қазіргі Атырау мемлекеттік университеті) бітірген.
• Атырау облысы халық шығармашылығы үйінің директоры, мектеп директоры (1961–1982) болды.
• 1982 жылдан Атырау мемлекеттік университетінде оқытушы, кафедра меңгерушісі қызметін атқарады.
• 1988 жылы «Жұмекен Нәжімеденовтың лирикасы» деген тақырыпта кандидаттық, 1996 жылы «Жұмекен Нәжімеденовтың ақындығы» атты тақырыпта докторлық диссертация қорғаған.
• Қазіргі таңда Х.Досмұхамедов атындағы Атырау мемлекеттік университеті қазақ тілі мен әдебиеті кафедрасының профессоры

Шығармашылығы

• «Өлке» баспасынан «Естелік» (1993), «Ғылым» баспасынан «Асау Атырау» (1997) өлең жинақтары жарық көрген. «Әдебиет сабағында оқушылардың творчестволық ізденістерін қалыптастыру» (Әдістемелік құрал, 1993), «Орта мектепте лириканы талдау» (Әдістемелік құрал, 1994), «Жұмекен Нәжімеденовтың ақындығы» (Монография, 1995), «Жыр жиһазы» (Монография, 1995), академик-жазушы З.Қабдоловтың шығармашылығына арналған монография — «Жазушы. Ғалым. Ұстаз» (1997), жазушы Ә.Кекілбаевтың творчествосына арналған монография — «Шың мен шыңырау» (2000), «Таңғажайып Бейбарыс» (2000), «Алмас жыр» (2003), «Әдеби толғамдар» (2004), «Махамбеттану мәселелері» (2005), «Қазақтың Қабдоловы» (2005), «Жұмекен жұмбағы» (2006) сияқты кітаптар мен монографиялардың авторы.

Марапаттары

• СССРдің "Еңбек ардагері" медалі
• Құрмет грамотасы
• ҚР жоғарғы мемлекеттік наградасы Ерен еңбегі үшін медалі
• 2001 жылы "Қазақстан Республикасы Тәуелсіздігне 10 жыл" медалі
• Ғылымды дамытуға сіңірген еңбегі үшін медалі
• ҚР Білім беру ісінің Үздігі
• 2016 жылы "Қазақстан Республикасы Тәуелсіздігне 25 жыл" медалі
• Ыбырай Алтынсарин атындағы құрметті төсбелгі иегері.
• 2017 жылдың 5 желтоқсанындағы ҚР Президентінің жарлығымен Парасат орденімен марапатталды.