Қазақстан-Неміс университеті

ҚНУ (Қазақстан-Неміс университеті) - Қазақстанның ең беделді жоғарғы оқу орындарының бірі. "Атамекен" кәсіпкерлер палатасының рейтингі бойынша Қазақстандағы 5-ші үздік ЖОО (2020 жылдың қорытындылары бойынша).

Қазақстан-Неміс университеті
Университет атауы
Халықаралық атауы	die Deutsch-Kasachische Universität
Жалпы сипаттамасы
Құрылған жылы	1999
Түрі	Акционерлік қоғам
Орналасуы
Орналасқан жері	Пушкин к-сі, 111 және Назарбаев даңғылы, 173
Кампус	Қалалық
Әкімшілік
Президенті	Волрад Роммель
Негізгі көрсеткіштер
Оқытушылар	37 доцент
Студенттер	720 адам
Сайты	www.dku.kz

Тарихы

Қазақстан-Неміс Университеті 1999 жылы жеке бастамамен неміс стандарты бойынша мамандар даярлау мақсатымен құрылған. Күні бүгінге дейін ҚНУ Қазақстан мен Орталық Азиядағы жалғыз неміс жоғары оқу орны болып табылады.

Университеттің 2004 жылы ҚР білім және ғылым Министрлігінің, сондай-ақ Германия Академиялық Алмасу Қызметінің аттестациясынан табысты өтуі ҚНУ-дың білім сапасының жоғары екендігін көрсетеді. Осы уақытта неміс оқу бағдарламалары бойынша оқытуға ҚР БжҒМ арнайы рұқсатын алдық.

Үш жыл өткеннен кейін, 2007 жылы бірінші курстың жиырма студенті неміс стандартына сәйкес инновациялық мамандықтар бойынша білім ала бастады. Бұған осының алдында жүргізілген үлкен жұмыс пен ҚР БжҒМ мен ГФР сыртқы істер Министрлігі арасында жасалған ҚНУ-ға екі мемлекет тарапынан қарқынды қолдау көрсету туралы Келісімге қол қойылуы болатын.

2008 жылы Германияның Федералды президенті Хорст Келердің ҚНУ-ға ресми сапары кезінде Германия мен Қазақстанның ҚНУ инфрақұрылымын жетілдірілу үшін тығыз ынтымақтастық жасау туралы Келісімге қол қойылды. Сондай-ақ біз Миттвайда Жоғары Мектебімен, Шмалькальден Жоғары Мектебімен және Вильдау Жоғары Мектебімен емтихан нәтижелерін екі жақты мойындау және осыған сәйкес үздік студенттердің Германияда да, Қазақстанда да бакалавр дипломын алуы туралы келісімге қол жеткіздік. 2012 жылы Германияда білім алған «Қос диплом» бағдарламасының алғашқы түлектерін қарсы алдық.

2009 және 2014 жылдары ҚР БжҒМ аттестациясынан табысты өтті.

2014 жылы ҚНУ НКАОКО агенттігінің, ал 2015 жылы — ACQUIN (Германия) аккредитациялау, сертификаттау және сапалық қамту Институты аккредитациясына қол жеткізді.

Факультеттер

Қазақстан-Неміс Университеті мамандарды даярлауды үш факультеттерде жүзеге асырады:

• Инжиниринг және ақпараттық технологиялар факультеті
• Әлем саясаты факультеті
• Экономика және кәсіпкерлік ісінің факультеті