Қазақстан Конституциясына 10 жыл медалі
«Қазақстан Республикасы Конституциясына 10 жыл» мерейтойлық медалі — Қазақстан Республикасының мемлекеттік марапаты. Қазақстан Республикасы Президентінің 2005 жылдың 20-сәуірінде жарияланған № 1555 бұйрығының негізінде, Қазақстан Республикасының конституциялық негіздерін қалыптастыру және дамытуға айтулы үлес қосқан мемлекет азаматтары мен шет ел азаматтарына Қазақстан Республикасы Конституциясының мерейтой мерекесіне байланысты берілетін марапат тағайындалды.
| Қазақстан Конституциясына 10 жыл медалі | |
|---|---|
  | |
| Мемлекет |  Қазақстан
|
| Түрі | Медаль |
| Жағдайы | беріледі |
| Негізделді | 20 сәуір 2005 жыл |
| Жоғары марапаты | «1941-1945 жж. Ұлы Отан соғысындағы Жеңіске 50 жыл» мерейтойлық медалі |
| Төменгі марапаты | «Қазақстан Республикасының Парламентіне 10 жыл» медалі |
| Medal "10 Years of the Constitution of Kazakhstan" Ортаққорда | |
Сипаттамасы
өңдеу«Қазақстан Республикасы Конституциясына 10 жыл» мерейтойлық медалі жезден жасалады, пішіні бойынша диаметрі 34 мм болатын шеңбер болып табылады.
Медальдің бет жағының центрінде, күн үстінде Қазақстан Республикасының мемлекеттік гербі салынған. Шеңбер бойымен, күн шеңбері мен оның сәулелерінің арасында «Қазақстан Конституциясына» жазуы орналастырылған. Мемлекеттік герб астында Қазақстан Республикасы Конституциясының нышаны ретінде ашылған кітап бейнеленген, оның ішінде «10 жыл» деген жазу жазылған.
Медальдің артқы жағының ортасында екі жолға арасында тире қойылған «1995» және «2005» жазулары енгізілген. Медальдағы барлық суреттер мен жазулар рельефті, алтын түсті.
Медаль бүйірі жақтаушаланған.
Медаль арнайы сақина көмегімен ұзындығы 50 мм, ені 34 мм болатын жезден жасалған алтыбұрышты қалыппен байланыстырылған. Қалып Қазақстан Республикасының мемлекеттік туы түстес, жоғарыдан төмен қарай созылған екі сызығы бар муар лентамен қапталған. Муар лентаның ені 34 мм, ұзындығы 50 мм. Қалыптың артқы жағында медальді киімге бекіту үшін қолданылатын түйреуіш орналастырылған.
Медаль Өскемен қаласында орналасқан Қазақстан ақша сарайында жасалған.