Қазақстан Республикасының тәуелсіздігіне 20 жыл медалі
«Қазақстан Республикасының тәуелсіздігіне 20 жыл» мерейтойлық медалі — Қазақстан Республикасының Президентінің 2011 жылдың 17 мамырында жарияланған №83 бұйрығының негізінде бекітілген Қазақстан Республикасының мемлекеттік марапаты.
| «Қазақстан Республикасының тәуелсіздігіне 20 жыл» медалі | |
|---|---|
  | |
| Мемлекет |  Қазақстан
|
| Түрі | Медаль |
| Жағдайы | беріледі |
| Негізделді | 17 мамыр 2011 жыл |
| Жоғары марапаты | «1941—1945 жж. Ұлы Отан соғысындағы Жеңіске 65 жыл» медалі |
| Medal "for 20 years of Kazakhstan's independence" Ортаққорда | |
Сипаттамасы
өңдеу«Қазақстан Республикасының тәуелсіздігіне 20 жыл» мерейтойлық медалі жезден жасалады, пішіні бойынша диаметрі 34 мм болатын шеңбер болып табылады.
Медальдің бет жағының үстіңгі бөлігінде мерейтойдың эмблемасы бейнеленген – рельефті 20 саны, оның екінші цифры сәуле шашып тұрған күн бейнесінде көрсетілген. Күннің артында Қазақстан Республикасының мемлекеттік туы бейнелген. Төменгі бөлігінде Ақорданың рельефті суреті салынған. Мерейтойлық медальдің артқы бөлігінің ортасында «Қазақстан Республикасының Тәуелсіздігіне 20 жыл» рельефті жазуы орналасқан.
Медаль арнайы сақина көмегімен ұзындығы 50 мм, ені 34 мм болатын жезден жасалған алтыбұрышты қалыппен байланыстырылған. Қалып әрқайсысы 16 мм болатын қызыл және көк түстес сызықтары бар муар лентамен қапталған. Лента ортасында жезден жасалған рельефті вертикаль лавр бұтағы орналасқан, ені 8 мм. Қалыптың артқы жағында медальді киімге бекіту үшін қолданылатын түйреуіш орналастырылған.
Медаль Өскемен қаласында орналасқан Қазақстан теңге сарайында жасалған.[1]